________________
तओ सामी गओऽनत्थ, सोमदत्तेण तो तहिं । कारियं रयणवीढं, जहिं पाराविओ पहू ||२३७॥ सामी खग्ग व्वऽणासीणो, खग्गिसिंगं व एगओ । सुरगिरि व्व निक्कंपो, सीहु व्व भयवज्जिओ ॥ २३८ ॥ पवणो व्वापडिबद्धो, एगदिट्ठी अही विव । संखो व्व निरवलेवो, कुम्मो व्व गुत्तइंदिओ ॥२३९॥ चंदो विव सीयलेसो, गंभीरो सायरो विव । सूरो व्व महापयावो, जीवो व्वऽखलिओ सया ||२४०|| कंचणं अणलेणेव तवेणं तेयभासुरो । वुईहिं वरसाखि व्व, गुत्तीहिं तिहिं संवुडो ॥ २४९॥ धरंतो पंचसमिई, धाणुक्को व्व सरे खरे । पराभूयक्कतेएण, हिमेण अजिओ हू || २४२ ||
माहमासनिसीहेण, हिमीकयजलेण वि । अखंडिज्जंतपडिमो, परिमाणविवज्जिओ ॥२४३॥ अरणे वग्घसीहाइदुस्सावयभयावहे । पुरे सुस्सावयघणे, निव्विसेसगइट्टिई || २४४ || गागी निम्ममो मोणी, निग्गंथो झाणतप्परो । अजिओ परीसहेहिं, संसारविज्जिओ ॥ २४५॥ विहरंतो महीवीढे, छाउमत्थेण सामिओ । विहरित्तु तिन्नि मासा, सव्वत्थ वि जिस ॥ २४६॥
जत्थ दिक्खाखणो जाओ, सहस्संबवणे तहिं । समागम्म पडिमाए, पुण्णागस्स तले ठिओ ॥ २४७॥ जुग्गं ॥
इंदियाणि तहा चित्तं, रंभित्तु झाणमागओ । अप्पमत्तं गुणट्ठाणं, पवण्णो जिणसामिओ ॥ २४८॥
स्वामिदीक्षा विहारवर्णनञ्च ।
२९३
