________________
ता दिज्जउ ममाएसो, किं करोमि सईपिया !? । पहावा ते न मे किं पि, असझं भुवणत्तए ॥९३॥ तओ मणसमाहाणं, काऊणं विबुहाऽहिवो ।
ओहिनाणेण विन्नाय, अट्ठमजिणजम्मणो ॥९४।। संजाओ तक्खणा चेव, रोमंचंचियविग्गहो । विणएण समुट्ठित्ता, तो सिंहासणओ तओ ॥१५॥ जिणंदाऽभिमुहं गच्चा, पयसत्तट्ठयं हरी । एगसाडोत्तरासंगो, णिडालघडियंजली ।।९६।। नमोत्थुणं अरिहंतस्स इच्चाईहिं पएहिं सो । सासएहिं सुभत्तीए, थुणेइ अट्ठमं जिणं ॥९७।। चउहिं कलापगं ।। पुणो सिंहासणाऽऽसीणो, पडीहारं स भासए । धी पेच्छ केरिसं पावं, अजुत्तं चिंतियं मए ।।९८।। उप्पण्णो जंबुदीवस्स, खेत्ते भरहनामए । चंदाणणाइ पुरीए, अट्ठमो तित्थसामिओ ॥९९॥ आणवेइ तओ देवाणीकनाहं जहा तुवं । वाएहि सुघोसं घंट, तेण एवं तओ कयं ॥१००।। वाइयाए सुघंटाए, घंटा वज्जंति अन्नया । महुरगाइणी पिढे, पक्खागायणिओ विव ॥१०१॥ तओ भो भो सुरा ! जाओ, भारहे तित्थनाहओ । ता तुम्हे एह सक्कस्स, पासे एवं स घोसए ॥१०२।। सुणिऊणित्ति तो देवा, समुन्भूयपमोयया । देवीवग्गेण संजुत्ता, आगया सक्कसन्निहिं ।।१०३।। तो सक्को पालयं नाम, तियसं, आभिओगियं । विमाणं पालयं नाम, करेहि त्ति समाइसइ ॥१०४॥
इन्द्रादिरचितो जन्ममहः ।
२८१
