________________
वारुणी पुंडरीया य, मिस्सकेसा अलंबुसा । हासा सव्वप्पहा चेय, सिरीदेवी हिरी तहा ॥६९।। उत्तररुयगावासा, एया चलियचामरा । वीयरायगुणग्गामपरा उत्तरओ ठिया ॥७०।। चित्ता सोयामिणी चेय, सुपव्वा चित्तहेमिया । विदिसिरुयगाऽगारा, चउरो दिक्कुमारिया ॥७१।। एयाओ दीवहत्थाओ, विदिसासु ठिया तओ । रूवा रूवासिया देवी, सुरूवा रूयगावई ॥७२।। एया रुयगदीवाओ, आगया जिणसामिणो । छिदिऊण नाहिनालं, चउरंगुलवज्जियं ॥७३।। महारयणसंजुत्तं, भूमीए निक्खणंति य । तस्सोवरि हरियालं, मणिवीढं करंति य ॥७४|| जुग्गं ।। दाहिणुत्तरपुव्वेसुं, भागेसुं जिणगेहओ । चउसालत्तयं ताहिं, कयं केलिहरं चिअ ॥७५।। तओ मणिमयं तस्स, मज्झे सिंहासणत्तयं । विहियं दिव्वसत्तीए, मणिकंचणभासुरं ॥७६।। जिणं देविं च नेऊण, सिंहासणंमि दाहिणे । मक्खियं गंधतेलेहिं, उवट्टणेहि मद्दिय ॥७७|| पुव्वसिंहासणे तत्तो, नेऊणं भत्तिवच्छला । न्हवंति दिव्वनीरेहिं, जिणं च जिणमायरं ॥७८।। विलिप्य गंधसंबंधसुद्धविलेवणेहिं तो । दिव्वाऽलंकारवत्थेहिमलंकुव्वंति सामिणि ॥७९॥ उत्तरआसणे निच्चा, गोसीसचंदणेहिं य । जायवेयं समुद्दिप्प, होममेया कुणंति य ।।८०।।
दिक्कुमारीकृत सूतिकर्मवर्णनम् ।
२७९
