________________
सा वि अलीअपसुत्ता सदं नो देहि वाहरंतस्स । अह चाडूणि करंतस्स वि हुं इत्ति वि न सा कुणइ ॥९॥ निविण्णस्स य सइवस्सुत्तरमाणस्स हिट्ठिमपियाए । दत्तो हत्थालंबो अह सो उत्तरिउमाढत्तो ।।१०।। उवरिट्ठिआ य पिच्छिय बारछिद्देहिं चिंतइ गओ त्ति । उग्घाडिऊण बारं अक्कोसंती तओ धाया ॥११॥ धरिअ भुयं एगं सा मंतिं ताणेइ उड्ढयं जाव । ता पायंमि वि एगे धरिउं तमहो पिया अहरा ॥१२॥ ताहिं भुयपाएहिं ताणिज्जंतो अहो य उटुं च । मंती गच्छइ परिपुण्णपुण्णरहिओ व्व जीवगणो ॥१३।। ताणिज्जंतो वलहीखरफरिसविहियखसरोहो । सो उवरिमाइ नीओ उ8 खंतीइ जीवो व्व ॥१४॥ नेहुच्चावचवयणं रयणि बोलाविऊण सो तत्थ । पहिरिअ कंचुयमंगे गओ य गोसंमि रायउले ।।१५।। सीअं विणा वि लक्खण ! सेअकरो कीस कंचुओ अंगे? । ईय पुढे रण्णा सो एमेइत्तूत्तरं देइ ॥१६।। परिभाविऊण रण्णा हासकए मंतिकंचुओ खित्तो । हसिओ सहाइ वयणेण सो चमक्काविओ मंती ॥१७॥ इतश्च- अत्थि णयरम्म तंमि वणिअसूओ जूयचोरिअपसत्तो । निक्कालिओ पिऊहिं रोगिअकरहो व्व उंटवालेहिं ॥१८॥ सो वि रसो व्व रसाणं मिलिओ चोराण तारिसो जाओ। तेहिं समं लुंटतो हिंडइ गामाणुगामेण ॥१९॥ सो एगो वणियसुओ जोग्गं चौराण बाहिरठिआण । गहिअ धणेहिं भोयणमह णयरा सो उ बाहुडिओ ॥२०॥
३६६
चन्द्रप्रभचरित्रे द्वितीयः परिच्छेदः ।
