Page Text
________________
दशवैकालिकं- टीकात्रिकयुतम्
(सु.) किञ्च - अप्पत्तियं' इति, अप्रीतिर्येन स्यादिति प्राकृतशैल्या येनेति-यया भाषया भाषितया अप्रीतिमात्रं भवेत्, तथा आशु शीघ्रं कुप्येद् वा परो रोषकार्यं दर्शयेत्, सर्वशः-सर्वावस्थासु तामित्थंभूतां न भाषेत भाषां, अहितगामिनीमुभयलोकविरुद्धामिति ।।८.४७ । ।
२७४
दिट्टं मियं असंदिद्धं, पडिपुन्नं वियं जियं । अयंपिरमणुव्विग्गं, भासं निसर अत्तवं ।।८.४८ ।।
(ति.) यादृशीं भाषेत तामाह - दृष्टाम् दृष्टार्थविषयाम् । मिताम् । असन्दिग्धाम् । प्रतिपूर्णाम्-स्वरादिभिः। वियंजियं, अञ्जु व्यक्ति-म्रक्षण - कान्ति-गतिषु [ ] व्यक्ताम् अलल्ल-मन्मनाम् अकम्प्रां-निश्चलाम् । अनुद्विग्नाम्-नोद्वेगकारिणीम् । भाषां निसृजेत्वदेत् । आत्मवान्-सचेतनः ।।८.४८ ।।
(स.) भाषणस्योपायमाह - दिट्ठे' इति - आत्मवान् सचेतनः साधुरीदृशीं भाषां निसृजेद् ब्रूयात्, ईदृशीं कीदृशीम् ? - इत्याह-दृष्टां दृष्टार्थविषयां, पुनर्मितां स्वरूप - प्रयोजनाभ्यां स्तोकां, पुनरसन्दिग्धां शङ्कारहितां, पुनः प्रतिपूर्णां स्वरादिभिः व्यक्तां प्रकटां, पुनर्जितां परिचितां, पुनरजल्पन-शीलां, न उच्चैर्न नीचैर्लग्नविलग्नां, पुनरनुद्विग्नां, नोद्वेगकारिणीमेवंभूतां भाषां साधुब्रूयात् ।।८.४८ । ।
,
(सु.) भाषणोपायमाह - दिट्ठ 'इति, दृष्टां दृष्टार्थविषयां, मितां स्वरूपप्रयोजनाभ्याम्, असंदिग्धां - निःशङ्कितां, प्रतिपूर्णां स्वरादिभिः व्यक्तां - अलल्लां, जितां परिजि(चि)ताम्, अजल्पनशीलां नोच्चैर्लग्नविलग्नाम्, अनुद्विग्नां-नोवेगकारिणीमेवंभूतां भाषां, निसृजेत् ब्रूयात्, आत्मवान् सचेतन इति ।।८.४८ ।।
आयार-पन्नत्तिधरं, दिट्ठीवायमहिज्जगं ।
'वैइविक्खलियं नच्चा, न तं उवहसे मुणी ।।८.४९ ।।
(ति.) विशेषोपदेशंमाह - आचाराङ्गम् । प्रज्ञप्तिः भगवत्यङ्गं तयोर्धारिणम् । दृष्टिवादाध्येतारम्। कथञ्चिद् वाचि लिङ्गवचनादिभिः स्खलितं ज्ञात्वा । न तम्
१. (ति) टीकायां 'वियंजियं पदं बियंजियं' 'व्यक्ताम् इति तत्राधारः वृद्धविवरणं 'वियंजियं' इति पाठः [दस. चुण्णि. मुनिपुण्यविजयसंपादिते [वि.२०६०] पृष्ठ १९७] । चूर्णौ तु वियं जियं इति द्वौ पदौ चिवृतौ - (स)(सु) टीके चूर्णि मनुसृते] ।। २. 'वायवि. - मुद्रितः पाठभेदः ||
| SR No. | 022615 |
| Book Title | Dashvaikalik Sutram |
| Original Sutra Author | N/A |
| Author | Tattvaprabhvijay |
| Publisher | Jinprabhsuri Granthmala |
| Publication Year | 2014 |
| Total Pages | 416 |
| Language | Sanskrit |
| Classification | Book_Devnagari & agam_dashvaikalik |
| File Size | 31 MB |