________________
अज्झयण ७
दसवेत्रालियसुत्तं
पंचिन्दियाणं पाणाणं एस इत्थी अयं पुमं । जाव णं न विजाणेजा ताव जाइ त्ति पालवे ॥२१॥ तहेव माणुसं पसुं पक्खि वा घि सरीसवं । थूले पमेइले वज्झे पायमित्ति य नो वए । २२ ।। परिवूढत्ति णं बूया बूया उवचिए त्ति य । संजाए पीणिए वा वि महाकाए त्ति पालवे ॥ २३ ॥ तहेव गाओ दोज्झायो दम्मा गोरहग त्ति य । पाहिमा रहजोग्गत्ति नेवं भासेज पनवं ॥२४॥ जुवं गवे त्ति एवं बूया धेणुं रसदयत्ति य । रहस्से महल्लए वा वि वए संवहणे त्ति य ॥ २५॥ तहेव गंतुमुजाणं पव्वयाणि वणणि य । रुक्खा महल्ल पेहाए नेवं भासेज पन्नवं ॥२६॥ अलं पासायखभातोरणा गिहाण य । फलिहगालनावाणं अलं उदगदोणिणं ॥ २७ ॥ पीढए चंगचेरे य नंगले मइयं सिया। जन्तलट्टी व नाभी वा गंडिया व अल सिया ।। २८ ।। आसणं सयणं जाणं होजा वा किंचुवस्सए । भूगोवघाइणिं भासं नेवं भासेज्ज पनवं ॥ २६ ॥ तहेव गंतुमुजाणं पव्वयाणि वणाणि यः । रुक्खा महल्ल पेहाए एवं भासेज पन्नवं ॥ ३० ॥ जाइमंता इमे रुक्खा दीहवट्टा महालया। पयायसाला विडिमा वए दरिसणित्ति य ॥ ३१ ॥ तहा फलाई पक्काई पायखजाइं नो वए । वेलोइयाइं टालाई वेहिमाई ति नो वए ॥ ३२॥
