________________
अज्झयण ६
दसवेप्रालियन्सुत्तं
मूलमेयमहम्मस्स महादोससमुस्सयं । तम्हा मेहुणसंसग्गं निग्गंथा वजयति णं ॥ १७ ॥ विडमुब्भेइमं लोणं तेल्लं सपि च फाणियं । न ते सन्निहि मिच्छति नायपुत्तवोरया ।। १८ ॥ लोहस्सेस अणुप्फासो मन्ने अन्नयरामवि । जे सिया सन्निहीकामे गिही, पब्वइए न से ॥११ ।। जं पि यत्थं व पायं पा कंबलं पायपुंछ । नं पि संजमलजट्टा धारंति परिहरंति य ।। २० ॥ न सो परिग्गहो वुत्तो नायपुत्तण ताइणा । मुच्छा परिमाहो वुत्तो इइ वुत्तं महेसिणा ॥ २१ ॥ सम्वत्थुवहिणा बुद्धा संरक्खणपरिग्यहे। अवि अप्पणे वि देहमि नायरंति ममाइयं २२॥ अहो निच्चं तवोकम्मं सव्वबुद्ध हिं वरिणयं । जा व लज्जासमा वित्ती एगभत्तं च भोयणं ॥ २३ ॥ संतिमे सुहुमा पाणा तसा अदुव थावरा । जाई राओ अपासंतो कहमेसणियं चरे ॥ २४ ॥ उदउल्ल बीयसंसत्तं पारमा निव्वडिया महिं । दिपा ताई विवज्जेज्जा राओ तत्थ कह चरे ॥ २५ ॥ एयं च दोसं दळूणं नायपुत्तण भासियं । सब्वाहारं न भुजति निग्गंथा राइभोयणं ॥२६॥ पुढविकायं न हिंसंति मणसा वयस कायसा। तिविहेण करणजोएण संजया सुसमाहिया ॥ २७॥ पुढविकायं विहिंसंतो हिंसइ उ तयस्लिए । तसे य विधिहे पाणे चक्खु से य अचक्खुसे ।।२८।। तम्हा एवं वियाणिता दोसं दुग्गइवड्ढणं । पुढविकायसमारंभ जावजीवाए वजए ॥ २६ ।।
