________________
जीवन-श्रेयस्कर-पाठमाला
अज्झयण ६
आउकायं न हिंसति मणसा वयस कायसा। तिविहेण करणजोए संजया सुसमाहिया ॥ ३० ॥ आउकायं विहिंसंतो हिंसइ उ तयस्सिए । तसे व विविहे पाणे चक्खु से य अचक्खुसे ॥ ३१ ।। तम्हा एयं धियाणित्ता दोसं दुग्गइवड्ढणं। आउकायसमारंभ जावज्जीवाए वज्जए ॥ ३२ ॥ जायतेयं न इच्छंति पावग जसइत्तए । तिक्खमन्नयरं सत्यं सवओ वि दुरासयं ॥ ३३ ।। पाईणं पडिणं वा वि उड्ढं अणुदिसामवि । अहे दाहिणो वा वि दहे उत्सरो वि य ।। ३४ ।। भूयाणमेसमाघारो हव्ववाह न संसो । तं पईवपयावट्ठा संजया किंचि नारभे ॥३५ ।। तम्हा एयं वियाणित्ता दोसं दुग्गइवड्ढणं । तेउकायसमारंभ जावजीवाए वजए ॥ ३६ ।। अनिलस्स समारंभं बुद्धा मन्नति तारिसं। सावजबहुल चेय नेय ताईहिं सेवियं ॥ ३७ ।। तालियंटेण पत्तेण साहापिहुयणेण धा। न ते वीइउमिच्छंति वीयावेऊण या परं ।। ३८ ॥ जं पि वत्थं व पायं वा कंबलं पायपुंछणं । न ते वायमुईरंति, जयं परिहरंति य ।। ३६ ।। तम्हा एयं विद्याणित्ता दोसं दुग्गइवटणं । वाउकायसमारंभ जावजीवाए वजए ॥४०॥ वणस्सइं न हिंसंति मणसा वयस कायसा। तिविहेण करणओएण संजया सुसमाहिया ॥ ११ ॥ वणस्सई विहिंसंतो हिंसइ उ तयस्सिए । तसे य विविहे पाणे चक्खुसे य अचक्खसे ॥ ४२ ॥
