________________
श्रीउत्तराध्ययनसूत्र
[१८३
संसारस्था य सिद्धा य, दुविहा जीवा वियाहिया । सिद्धा णेगविहा वुत्ता, तं मे कित्तयओ सुण ॥४६॥ इत्थीपुरिससिद्धा य. तहेव य नपुंसगा। सलिंगे अन्नलिंगे य, गिहिलिंगे तहेव य ।।५०/ उक्कोसोगाहणाए य, जहन्नमज्झिमाइ य । उड्ढे अहे य तिरियं च, समुद्दम्मि जलम्मि य ।।५१॥ दस य नपुंसएसु, वीसं इत्थियासु य । पुरिसेसु य अट्ठसयं, समएणेगेण सिझइ ॥५२॥ चत्तारि य गिह लिंगे, अन्नलिंगे दसेव य । सलिंगेण अट्ठसय, समएणेगेण सिज्झइ । ५३।। उक्कोसोगाहणाए य, सिज्झन्ते जुगवं दुवे । चत्तारि जहन्नाए 'मज्झे अठ्ठत्तरं सयं ॥५४।। चउरुड्ढलोए य दुवे समुद्दे.
तओ जले वीसमहे तहेव य । सयं च अछुत्तरं तिरियलोद,
समएणेगेण सिज्झइ धुवं ।।५५॥ कहिं पडिहया सिद्धा ? कहिं सिद्धा पइट्टिया? कहिं बोन्दि, चइत्ता ? कत्थ गन्तूण सिज्झई ? ॥५६।। अलोए पडिहया सिद्धा, लोयग्गे य पइट्टिा । इहं वोन्दि चइत्ताणं, तत्थ गन्तूण सिज्झइ ।।५७।' बारसहिं जोयणेहिं, सबट्टस्सुवरिं भवे । ईसिपब्भारनामा उ, पुढवी छत्तसंठिया ।।५८॥ पणयालसयसहस्सा, जोयणा तु प्रायया। तावइयं चेव वित्थिराणा, तिगुणो साहिय परिरओ ॥५६॥
१. जवमज्झे ।
