________________
86
नायाधम्मकहाओ
[VII,68पाउसंसि महाडिकायंसि निवइयंसि समाणंसि खुडागं केयारं सुपरिकम्मियं करेह २ इमे पंच सालिअक्खए वावेह २ दोच्चंपि तच्चंपि उक्खयनिहए करेह २ वाडिपक्खेवं करेह २ सारक्खमाणा संगोवेमाणा आणुपुत्वेणं संवड्वेह । तए णं ते कोडुंबिया रोहिणीए एयमढे पडिसुणेति ते पंच सालिअक्खए गेहति २ अणुपुत्वेणं सारक्खंति संगोविीत । तए णं ते कोडुंबिया पढमपाउससि महावुट्टिकायंसि निवइयसि समाणंसि खुडागं केयारं सुपरिकम्मियं करेंति २ ते पंच सालिअक्खए ववंति दोच्चपि तच्चपि उक्खयनिहए करेंति २ वाडिपरिक्खेवं करेंति अणुपुव्वेणं सारक्खेमाणा संगोवेमाणा संवढेमाणा विहरति । तए णं ते साली अणुपुवेणं सारक्खिज्जमाणा संगोविज्जमाणा संवड्डिजमाणा साली जाया किण्हा किण्होभासा जाव निउरंबभूया पासाईया ४ । तए णं ते साली पत्तिया वत्तिया गब्भिया पसूइया आगयगंधा खीराइया बद्धफला पक्का परियागया सल्लईया पत्तईया हरियपव्वैकंडा जाया यावि होत्था । तए णं ते कोडुंबिया ते साली पत्तिए जाव सल्लइयपत्तइए जाणित्ता तिक्खेहिं नवपज्जणएहिं असिएहिं लुणंति २ करयलमलिए करेंति २ पुणंति । तत्थ णं चोक्खाणं सूईयाणं अखंडाणं अफुडियाणं छडछडापूर्याणं सालीणं मागहए पत्थए जाए। तए णं ते कोडुंबिया ते साली नवएसु घडएसु पक्खिवंति उल्लिंपंति २ लंछियमुदिए करेंति २ कोट्ठागारस्स एगदेससि ठाति २ सारक्खमाणा संगोमाणा विहरति । तए णं ते कोढुंबिया दोच्चंसि वासारत्तंसि पढमपाउसंसि महावुट्टिकायंसि निवइयंसि खुड्डागं केयारं सुपरिकम्मियं करेंति ते साली ववंति दोच्चंपि उक्खायणिहए जाव लुणंति जाव चलणतलमलिए करेंति २ पुगंति । तत्थ णं सालीणं बहवे कुंडवा जाव एगदेससि ठावेंति २ सारक्खेमाणा संगोवेमाणा विहरति । तए णं ते कोडुंबिया तच्चसि वासारत्तंसि महावुद्धिकायंसि निवइयंसि बहवे केयारे सुपरिकम्मिए जाव लुणंति २ संवहंति २ खलयं करेंति २ मलेंति जाव बहवे कुंभा जाया । तए णं ते कोढुंबिया साली कोट्ठागारंसि पल्लेवंति जाव विहरति । चउत्थे वासारत्ते बहवे
