________________
80
नायाधम्मकहाओ
[V.6:कालाइकतेहि य पमाणाइक्कतेहि य निच्चं पाणभोयणेहि य पयइसुकुमालस्स य सुहोचियस्स सरीरगंसि वेयणा पाउन्भूया उज्जला जाव दुरहियासा कंडुदाहपित्तज्जरपरिगयसरीरे यावि विहरइ । तए णं से सेलए तेणं रोयायंकेणं सुक्खे जाए यावि होत्था । तए णं से सेलए अन्नया कयाई पुव्वाणुपुर्दिवं चरमाणे जाव जेणेव सुभूमिभागे जाव विहरइ । परिसा निग्गया मंडुओ वि निग्गओ सेलगं अणगारं वंदद जाव पज्जुवासइ । तए णं से मंडुए राया सेलगस्स अणगारस्स सरीरगं सुकं जाव सव्वाबाहं सरोगं पासइ २ एवं वयासी- अहं णं भंते ! तुम्भं अहापवत्तेहिं तिगिच्छिएहिं अहापवत्तेणं ओसहभेसज्जभत्तपाणेणं तिगिच्छं आउंटावेमि । तुब्भे णं भंते ! मम जाणसालासु समोसरह फासुएसणिज्जं पीढफलगसेज्जासंथारगं ओगिण्हित्ताणं विहरह । तए णं से सेलए अणगारे मंडुयस्स रन्नो एयमढे तहत्ति पडिसुणेइ । तए णं से मंडुए सेलगं वंदइ नमसइ २ जामेव दिसिं पाउन्भूए तामेव दिसिं पडिगए । तए णं से सेलए कल्लं जाव जलंते सभंडमत्तोवगरणमायाए पंथगपामोक्खेहिं पंचहिं अणगारसएहिं सद्धिं सेलगपुरमणुप्पविसइ जेणेव मंडुयस्स जाणसाला तेणेव उवागच्छइ २ फासुयं पीढ जाव विहरइ । तए णं से मंडुए तिगिच्छिए सद्दावेइ २ एवं वयासीतुब्भे गं देवाणुप्पिया ! सेलगस्स फांसुएसणिज्जेणं जाव विगिच्छं आउटेह । तए णं तिगिच्छया मंडुएणं रन्ना एवं वुत्ता हट्टतुट्ठा सेलगस्स अहापवत्तेहिं ओसहभेसज्जभत्तपाणेहिं तिगिच्छं आउटुंति मज्जपाणगं प से उवदिसंति । तए णं तस्स सेलगस्स अहापवत्तेहिं जाव मज्जपाणएणं से रोगायके उवसंते जाए यावि होत्था हटे बलियसरीरे जाए ववगयरोगायके । तए णं से सेलए तंसि रोयातंकसि उवसंतसि समाणंसि तसि विपुलंसि असणांस ४ मज्जपाणए य मुच्छिए यढिए गिद्धे अज्झोववने
ओसन्ने ओसन्नविहारी एवं पासत्थे २ कुसीले २ पमत्ते २ संसत्ते २ उबद्धपीढफलगसेज्जासंथारए पमत्ते यावि विहरइ नो संचाएइ फासुएसणिज्ज पीढं पञ्चप्पिणित्ता मंडुयं च रायं आपुच्छित्ता पहिया जाव विहरित्तए ।
