________________
-V.62]
नायाधम्मकहाओ राय एवं वयासी-जइ णं तुब्भे देवाणुप्पिया ! संसार जाव पव्वयह अम्हाणं देवाणुप्पिया ! को अन्ने आधारे वा आलंबे वा ? अम्हे वि यणं देवाणुप्पिया ! संसारभउव्विग्गा जाव पव्वयामो । जहा णं देवाणुप्पिया ! अम्हं बहुसु कज्जेसु य जाव तहा णं पव्वइयाण वि समाणाणं बहूसु जाव चक्खुभूए । तए णं से सेलगे पंथगपामोक्खे पंच मंतिसए एवं वयासीजइ णं तुम्भे देवाणुप्पिया! संसार जाव पन्वयह तं गच्छह णं देवाणुप्पिया! सएसु २ कुटुंबेसु जेट्टपुत्ते कुडुंबमझे ठावेत्ता पुरिससहस्सवाहिणीयाओं सीयाओ दुरूढा समाणा मम अंतियं पाउब्भवह । तेवि तहेव पाउन्भवंति ।. तए णं से सेलए राया पंच मंतिसयाई पाउन्भवमाणाई पासइ हतुढे कोदुंबियपुरिसे सहावेइ २ एवं वयासी - खिप्पामेव भो देवाणुप्पिया ! मंडुयस्स कुमारस्स महत्थं जाव रायाभिसेयं उवट्ठवेह जाव अभिसिंचइ जाव राया जाए विहरइ । तए णं से सेलए मंडुयं रायं आपुच्छइ। तए णं मंडुए राया कोडुंबियपुरिसे सहावेइ २ एवं वयासी - खिप्पामेव सेलगपुरं नयरं आसिय जाव गंधवट्टिभूयं करेह कारवेह य २ एवमाणत्तिय पच्चप्पिणह । तए णं से मंडुए दोच्चंपि कोडुंबियपुरिसे सरावेइ २ एवं वयासी - खिप्पामेव सेलगस्स रन्नो महत्थं जाव निक्खमणाभिसेयं जहेव मेहस्स तहेव नवरं पउमावईदेवी अग्गकेसे पडिच्छइ सव्वेवि पडिग्गहं गहाय सीयं दुरुहंति अवसेसं तहेव जाव समाइयमाइयाइं एकारस अंगाई अहिज्जइ २ बहूहिं चउत्थ जाव विहरइ । तए णं से सुए सेलगस्स अणगारस्स ताई पंथगपामोक्खाइं पंच अणगारसयाई सीसताए वियरइ । तए णं से सुए अन्नया कयाइ सेलगपुराओ सुभूमिभागाओ उज्जाणाओ पडिनिक्खमइ २ बहिया जणवयविहारं विहरइ । तए णं से सुए अणगारे अन्नया कयाइ तेणं अणगारसहस्सेणं सद्धिं संपरि. बुडे पुव्वाणुपुत्विं चरमाणे गामाणुगामं विहरमाणे जेणेव पुंडरायपव्वए तेणेव उवागच्छइ जाव सिद्धे । ___(62) तए णं तस्स सेलगस्स रायरिसिस्स तेहिं अंतेहि य पंतेहि य सुच्छेहि य लहेहि य अरसेहि व विरसेहि य सीएहि ये उण्हेहि य
