________________
नायाधम्मक हाओ
[V.59
दुसारा जाव गणियासहस्साइं कोमुईयाए भेरीए सह सोच्चा निसम्म हट्ठट्ठा जाव ण्हाया आविद्धवग्घारियमल्लदामकलावा अहयवत्थचंदणोक्विन्नगायसरीरा अप्पेगइया हयगया एवं गयगया रहसीयासंदभाणीगया अप्पेगइया पायविहारचारेणं पुरिसवग्गुरापरिक्खित्ता कण्हस्स वासुदेवस्स अंतिए पाउन्भवित्था । तए णं से कण्हे वासुदेवे समुहविजयपामोक्खे दस दसारे जाव अंतियं पाउन्भवमाणे पासित्ता हट्ठतुट्ठे जाव कोडुंबिय - पुरिसे सहावेइ २ एवं वयासी - खिप्पामेव भो देवाणुप्पिया ! चाउरंगिणिं सेणं सज्जेह विजयं च गंधहत्थि उवट्ठवेह । तेवि तहेव उवट्ठवेंति जाव पज्जुवासंति ।
(59) थावच्चापुत्ते वि निग्गए जहा मेहे तहेव धम्मं सोच्चा निसम्म जेणेव थावच्चा गाहावइणी तेणेव उवागच्छइ २ पायग्गहणं करेइ जहा मेहस्स तहा चैव निवेयणा जाहे नो संचाएर विसयाणुलोमाहि य विसयप डिकूलाहि य बहूहिं आघवणाहि य पन्नवणाहि य सन्नवणाहि य विन्नवणाहि य आघवित्तए वा ४ ताहे अकामिया चैव थावच्चापुत्तस्स निक्खमणमणुमन्नित्थां । तए णं सा थावच्चा आसणाओ अब्भुट्ठेइ २ महत्थं महग्धं महरिहं रायारिहं पाहुडं गेण्हइ २ मित्त जाव संपरिवुडा जेणेव कण्हस्स वासुदेवस्स भवणवरपडिदुवारदेसभाए तेणेव उवागच्छइ २ पडिहारदेसिएणं मग्गेणं जेणेव कण्हे वासुदेवे तेणेव उवागच्छइ २ करयल जाब वद्धावेइ २ तं महत्थं ३ पाहुडं उवणेइ २ एवं वयासी - एवं खलु देबाणुप्पिया । मम एगे पुत्ते थावच्चापुत्ते नामं दारए इट्ठे जाव संसारभव्विग्गे भीए इच्छइ अरहओ अरिट्ठनेमिस्स जाब पव्वइत्तए । अहं णं निक्खमण सकारं करेमि । इच्छामि णं देवाणुपिया ! थावच्चापुत्तस्स निक्वममाणस्स छत्तमउडचामराओ य विदिन्नाओ । तए णं कण्हे वासुदेवे थावश्चागाहावार्ण एवं वयासी - अच्छाहि णं तुमं देवाणुप्पिए ! सुनिव्वुयवीसत्था । अहं णं सयमेव थावच्चापुत्तस्स दारगस्स निक्खमणसक्कारं करिस्सामि । तए णं से कण्हे वासुदेवे चाउरंगिणीए सेणाए विजयं हैत्थिरयणं दुरूढे समाणे जेणेव
70
