________________
नायाधम्मकहाणो
[III.54सारक्खमाणीओ संगोवेमाणीओ विहरिस्संति । तए अम्हं एत्य दो कीलावणगा मयूरपोयगा भविस्संति तिकटु अनमन्नस एयमé परिसुणेवि २ सए सए दासचेडए सहावेंति २ एवं बयासी- गच्छहे गं तुम्भे देवाणुप्पिया ! इमे अंडए गहाय सगाणं कुक्कुडीणं अंडएसु पक्खिवह जाव ते पक्खिवेति । तए णं ते सत्थवाहदारगा देवदत्ताए गणियाए साद्धं सुभूमिभागस्स उजाणसिरिं पच्चणुब्भवमाणा विहरिता तमेव जाणं दुरूढा समाणा जेणेव चंपा नयरी जेणेव देवदत्ताए गणियाए गिहे तेणेव उवागच्छंति २ देवदत्ताए गिहं अणुप्पषिसंति २ देवदचाए गणियाए विउलं जीवियारिहं पीइदाणं दलयंति २ सकारेंति सम्मा0ति २ देवदत्ताए गिहाओ पडिनिक्खमंति २ जेणेव सयाई २ गिहाई तेणेव उवागच्छंति २ सकम्मसंपउत्ता जाया यावि होत्था । ___ (54) तत्थ णं जे से सागरदत्तपुत्ते सत्यवाहदारए से णं कलं जाव जलंते जेणेव से वणमयूरीअंडए तेणेव उवागच्छइ २ वसि मयूरीअंडयांस संकिए कंखिए विइगिच्छसमावन्ने भेयसमावन्ने कलुससमावळे किंमं मम एत्य कीलावणए मयूरपोयए भविस्सइ उदाहु नो भविस्सइ त्तिकटु तं मयूरीअंडयं अभिक्खणं २ उव्वत्तेइ परियत्तेह आसारेइ संसारेइ चालेइ फंदेइ घट्टेइ खोभेइ अभिक्खणं २ कण्णमूलंसि टिट्टियावेइ । तए णं से वणमयूरीअंडए अभिक्खणं २ उव्वचिजमाणे जाय टिट्टियावेज्जमाणे पोच्चडे जाए यावि होत्या । वए णं से सागरदत्तपुत्ते सत्यवाहदारए अन्नया कयाई जेणेव से वणमयूरीअंडए वेणेव उवागच्छइ २ तं मयूरीअंडयं पोच्चडमेव पासइ २ अहो णं ममं एत्य कीलावणए मयूरपोयए न जाए तिकटु ओहयमण जाव झियायइ । एवामेव समणाउसो ! जो अम्हं निग्गंयो वा २ आयरियउवज्झायाणं अंतिए पव्वइए समाणे. पंचमहव्वएसु जाव छज्जीवनिकाएसु निग्गंथे पावयणे संकिए जाव कलुससमावने से णं इहमवे चेव बहूणं समणाणं २ बहणं सावगाणं सावियाणं हीलणिज्जे निंदणिज्जे खिसणिज्जे गरहणिज्जे परिभवणिज्जे परलोए विय णं आगच्छइ बहूणि दंडणाणि य जाव ससारं अणुपरियट्टइ ।
