________________
-111.55]
नायाधम्मकहाओ (55) तए णं से जिणदत्तपुत्ते जेणेव से मयूरीअंडए तेणेव उवागच्छइ २ तंसि मयूरीअंडयंसि निस्संकिए सुव्वत्तए णं मम एत्थ कीलावणए मयूरपोयए भविस्सइ तिकट्टु तं मयूरीअंडयं अभिक्खणं २ नो उव्वत्तेइ जाव नो टिट्टियावेइ । तए णं से मयूरीअंडए अणुव्वत्तिज्जमाणे जाव अटिट्टियाविज्जमाणे कालेणं समएणं उभिन्नमयरपोयए एत्थ जाए । तए णं से जिणदत्तपुत्ते मयूरपोययं पासइ २ हद्वतुढे मयूरपोसए सहावेइ २ एवं वयासी-तुन्भे णं देवाणुप्पिया ! इमं मयूरपोयगं बहूहिं मयूरपोसणपाओग्गेहिं दव्वेहिं अणुपुव्वेणं सारक्खमाणा संगोवेमाणा संवड्डेह नटुल्लगं च सिक्खावेह । तए णं ते मयूरपोसगा जिणदत्तस्स पुत्तस्स एयमह पडिसुणेति २ तं मयूरपोयगं गेण्हंति जेणेव सए गिहे तेणेव उवागच्छंति २ तं मयूरपोयगं जाव नटुलगं सिक्खावेति । तए णं से वणमयूरपोयए उम्मुक्कबालभावे विन्नाय जाव लक्खणवंजणगुणोवए माणुम्माणप्पमाणपडिपुण्णपक्खपेहुणकलावे विचित्तपिच्छसत्तचंदए नीलकंठए नच्चणसीलए एगाए चप्पुडियाए कयाए समाणीए अणेगाई नटुल्लगसयाई केकारवसयाणि य करेमाणे विहरइ । तए णं ते मयूरपोसगातं मयूरपोयगं उम्मुक जाव करेमाणं पासित्ताणं तं मयूरपोयगं गेण्हंति २ जिणदत्तपुत्तस्स उवणेति। तए णं से जिणदत्तपुत्ते सत्थवाहदारए मयूरपोयगं उम्मुक्त जाव करेमाणं पासित्ता हट्टतुट्टे तेसिं विपुलं जीवियारिहं पीइदाणं दलयइ २ पडिविसज्जेइ । तए णं से मयूरपोयगे जिणदत्तपुत्तेणं एगाए चप्पुडियाए कयाए समाणीए नंगोलाभंगसिरोधरे सेयावंगे ओलियपइण्णपक्खे उक्खित्तचंदकाइयकलावे केक्काइयसयाणि विमुंचमाणे नच्चइ । तए णं से जिणदत्तपुत्ते तेणं मयूरपोयएणं चंपाए नयरीए सिंघाडग बाव पहेसु एहि य साहस्सिएहि य सयसाहस्सिएहि रा पणिएहि य जयं करेमाणे विहरह। एवामेव सभणाउसो ! जो अम्हं निग्गयो वा २ पव्वइए समाणे पंचमहम्बएसु छज्जीवनिकाएसु निग्गंथे पावयणे निस्संकिए निखिए निम्विइगिच्छे से गं इहभवे चेव बहूर्ण समणाणं
