________________
B4
नायाधम्मकहाणो
[1.32आणुगामियत्ताए भविस्सइ - एवामेव ममवि एगे आयाभडे इढे कंते पिए मणुने मणामे । एस मे नित्यारिए समाणे संसारवोच्छेयकरे भविस्सइ । वं इच्छामि णं देवाणुप्पिएहि सयमेव पव्वावियं सयमेव मुंडावियं सेहावियं सिक्खावियं सयमेवं आयारगोयरविणयवेणइयचरणकरणजायामायावत्तियं धम्ममाइक्खियं । तए णं समणे ३ मेहं कुमारं सयमेव पवावेइ सयमेव आयार जाव धम्ममाइक्खइ - एवं देवाणुप्पिया! गंतव्वं चिट्ठियव्वं निसीयव्वं तुयट्टियव्वं भुंजियव्वं भासियव्वं एवं उठाए उट्ठाय पाणेहिं भूएहिं जीवहिं सत्तेहिं संजमेणं संजमियव्वं अस्सि च णं अढे नो पमाएयव्वं । तए णं से मेहे कुमारे समणस्स ३ अंतिए इमं एयारूवं धम्मियं उवएसं सम्म पडिवजह तमाणाए तह गच्छइ तह चिट्ठइ जाव उट्ठाए उट्ठाय पाणेहिं भूएहिं जीवहिं सत्तेहिं संजमइ ।
(32) जं दिवसं च णं मेहे कुमारे मुंडे भवित्ता अगाराओ अणगारियं पव्वइए तस्स णं दिवसस्स पच्चावरण्हकालसमयंसि समणाणं निग्गंथाणं अहाराइणियाए सेज्जासंथारएसु विभजमाणेसु मेहकुमारस्स दारमूले सेज्जासंथारए जाए यावि होत्था । तए णं समणा निग्गंथा पुव्वरत्तावरत्तकालसमयसि वायणाए पुच्छणाए परियट्टणाए धम्माणुजोगचिंताए य उच्चाररस य पासवणस्स य अइगच्छमाणा य निग्गच्छमाणा य अप्पेगइया मेहं कुमारं हत्थेहिं संघटृति एवं पाएहिं सीसे पोट्टे कायंसि अप्पेगइया ओलंडेंति अप्पेगइया पोलंडेंति अप्पेगइया पायरयरेणुगुंडियं करेंति। एवं महालियं च रयणी मेहे कुमारे नो संचाएइ खणमवि अच्छी निमीलित्तए । वए णं तस्स मेहस्स कुमारस्स अयमेयारूवे अज्झथिए ४ जाव समुप्पज्जित्था - एवं खलु अहं सेणियस्स रन्नो पुत्ते धारिणीए देवीए अत्तए मेहे जाव समणयार । तं जया णं अहं अगारमझे वसामि तया णं मम समणा निग्गंथा आढायंति परियाणंति सकारेंति सम्माणेति अट्ठाई हेऊइं पसिणाइं कारणाई वागरणाई आइक्खंति इट्टाहिं कंताहिं वग्गूहिं आलवेंति संलवेंति । जप्पभिई च णं अहं मुंडे भवित्ता अगाराओ अणगारियं पव्वइए तप्पभिई च णं ममं समणा नो आढायंति
