________________
18 नायाधम्मकहाओ
(1.17दोच्चंपि कोडुंबियपुरिसे सहावेइ २ एवं वयासी - खिप्पामेव भो , देवाणुप्पिया ! हयगयरहजोहपवर कलियं चाउरंगिणिं सेणं सन्नाहेह सेयणयं च गंधहत्यिं परिकप्पेह । तेवि तहेव जाव पच्चप्पिणति । तए णं से सेणिए राया जेणेव धारिणी देवी तेणेव उवागच्छइ २ धारिणं देवि एवं वयासी -एवं खलु देवाणुप्पिए ! सगज्जिया जाव पाउससिरी पाउन्भूया । तं गं तुमं देवाणुप्पिए ! एयं अकालदोहलं विणेहि । तए णं सा धारिणी देवी सणिएणं रन्ना एवं वुत्ता समाणी हट्टतुट्ठा जेणामेव मज्जणघरे तेणेव उवागच्छइ २ मज्जणघरं अणुप्पविसइ २ अंतो अंतेउरंसि व्हाया कयबलिकम्मा कयकोउयमंगलपायच्छित्ता किं ते वरपायपत्तनेउर जाव आगासफालियसमप्पभं अंसुयं नियत्या सेयणयं गंधहत्यि दुरूढा समाणी अमयमहियफेणपुंजसन्निगासाहिं सेयचामरवालवीयणीहिं वीइज्जमाणी २ संपत्थिया । तए णं से सेणिए राया पहाए कयबलिकम्मे जाव सस्सिरीए हत्थिखंधवरगए सकोरेंटमल्लदामेणं छत्तेणं धरिज्जमाणेणं चउचामराहिं वीइज्जमाणे धारिणीदेवीं पिट्ठओ अणुगच्छइ । तए णं सा धारिणीदेवी सेणिएणं रन्ना हत्थिखंघवरगएणं पिट्ठओ २ समणुगम्ममाणमग्गा हयगयरहजोहकलियाए चाउरंगिणीए सेणाए सद्धिं संपरिवुडा महया भडचडगरवंदपरिक्खित्ता सव्विड्डीए सव्वज्जुईए जाव दुंदुभिनिग्घोसनाइयरवेणं रायगिहे नयरे सिंघाडगतिगचउक्कचच्चर जाव महापहेसु नांगरजणेणं अभिनंदिज्जमाणी २ जेणामेव वेभारगिरिपव्वए तेणामेव उवागच्छइ वेभारगिरिकडगतडपायमूले आरामेसु य उज्जाणेसु य काणणेसु य वणेसु य वणसंडेसु य रुक्खसु य गुच्छेसु य गुम्मेसु य लयासु य वल्लीसु य कंदरासु य दरीसु य चुढीसु य दहेसु य कच्छेसु य नदीसु य संगमेसु य विवरएसु य अच्छमाणी य पेच्छमाणी य मज्जमाणी य पत्चाणि य पुप्फाणि य फलाणि य पल्लव्वाणि य गिण्हमाणी य माणेमाणी य अग्यायमाणी य परिभुंजमाणी य परिभाएमाणी य वेभारगिरिपायमूले दोहलं विणेमाणी सव्वओ समंता आहिंडइ । तए णं सा धारिणीदेवी तंसि अकाल
