________________
-11.1.151] नायाधम्मकहाओ पासस्स अरहओ पुरिसादाणीयस्स अंतिए धम्मं सोचा निसम्म हट्ट जाव हियया पासं अरहं पुरिसादाणीयं तिक्खुत्तो वंदह नमसइ २ एवं वयासीसदहामि गं भंते ! निग्गंथं पावयणं जाव से जहेयं तुम्भे वयह जं नवरं देवाणुप्पिया! अम्मापियरो आपुच्छामि तए णं अहं देवाणुप्पियाणं अंतिए जाव पव्वयामि । अहासुहं देवाणुप्पिए। तए णं सा काली दारिया पासेणं अरहया पुरिसादाणीएणं एवं वुत्ता समाणी हट्ट जाव हियया पासं अरहं वंदइ नमसइ २ तमेव धम्मियं जाणप्पवरं दुरूहइ २ पासस्स अरहओ पुरिसादाणीयस्स अंतियाओ अंबसालवणाओ चेइयाओ पडिनिक्खमइ २ जेणेव आमलकप्पा नयरी तेणेव उवागच्छइ २ आमलकप्पं नयरिं मझमज्झेणं जेणेव बाहिरिया उवट्ठाणसाला तेणेव उवागच्छइ २ धम्मियं जाणप्पवरं ठवेइ २ धम्मियाओ जाणप्पवराओ पञ्चोरुहइ २ जेणेव अम्मापियरो तेणेव उवागच्छइ २ करयलपरिग्गहियं जाव एवं वयासी - एवं खलु अम्मयाओ! मए पासस्स अरहओ अंतिए धम्मे निसंते । से वि य धम्मे इच्छिए पडिच्छिए अभिरुइए । तए णं अहं अम्मयाओ ! संसारभउविग्गा भीया जम्मणमरणाणं इच्छामि णं तुब्भहिं अब्भणुन्नाया समाणी पासस्स अरहओ अंतिए मुंडा भवित्ता आगाराओ अणगारियं पव्वइत्तए । अहासुहं देवाणुप्पिए ! मा पडिबंधं करेहि । तए णं से काले गाहावई विउलं असणं ४ उवक्खडावेइ २ मित्तनाइनियगसयणसंबंधिपरियणं आमंतेइ २ तओ पच्छा पहाए जाव विपुलेणं पुप्फवत्थगंधमल्लालंकारेणं सक्कारेइ सम्माणेइ २ तस्सेव मित्तनाइनियगसयणसंबंधिपरियणस्स पुरओ कालियं दारियं सेयापीएहिं कलसेहिं ण्हावेइ २ सव्वालंकारविभूसियं करेइ २ पुरिससहस्सवाहिणिं सीयं दुरूहेइ २ मित्तनाइनियगसयणसंबंधिपरियणेणं साद्धिं संपरिखुडे सविड्डीए जाव रवेणं आमलकप्पं नयरिं मझमझेणं निग्गच्छइ २ जेणेव अंबसालवणे चेइए तेणेव उवागच्छइ २ छत्ताइए तित्थगराइए पासइ २ सीयं ठावेइ २ कालियं दारियं सीयाओ पच्चोरुहइ । तए णं तं कालियं रियं अम्मापियो पुरओ काउं जेणेव पासे अरहा पुरिसादाणीए
