________________
224
नायाधम्मकहाओ [II.1.151तेणेव उवागच्छंति २ वंदति नमसंति २ एवं वयासी - एवं खलु देवाणुप्पिया ! काली दारिया अम्हं धूया इट्ठा कंता जाव किमंग पुण पासणयाए ? एस णं देवाणुप्पिया ! संसारभउव्विग्गा इच्छइ देवाणुप्पियाणं अंतिए मुंडा भवित्ता जाव पव्वइत्तए । तं एयं णं देवाणुप्पियाणं सिस्सिणिभिक्खं दलयामो। पडिच्छंतु णं देवाणुप्पिया ! सिस्सिणिभिक्खं । अहासुहं देवाणुप्पिया ! मा पडिबंधं । तए णं सा काली कुमारी पासं अरहं वंदइ नमसइ २ उत्तरपुरस्थिमं दिसीभागं अवक्कमइ २ सयमेव आभरणमल्लालंकारं ओमुयइ २ सयमेव लोयं करेइ २ जेणेव पासे अरहा पुरिसादाणीए तेणेव उवागच्छइ २ पासं अरहं तिक्खुत्तो वंदइ नमसइ २ एवं वयासी - आलित्ते णं भंते ! लोए एवं जहा देवाणंदा नाव सयमेव पवावेउं । तए णं पासे अरहा पुरिसादाणीए कालियं सयमेव पुप्फचूलाए अजाए सिस्सिणियत्ताए दलयइ । तए णं सा पुप्फचूला अजा कालिं कुमारि सयमेव पव्वावेइ जाव उवसंपन्नित्ताणं विहरइ । तए णं सा काली अजा जाया इरियासमिया जाव गुत्तबंभयारिणी । तए णं काली अजा पुष्फचूलाए अजाए अंतिए सामाइयमाइयाई एक्कारस अंगाई आहिज्जइ बहूहि चउत्थ जाव विहरइ । तए णं सा काली अजा अन्नया कयाइ सरीरबाउसिया जायावि होत्था । अभिक्खणं २ हत्थे धोवेइ पाए धोवेइ सांसं धोवेइ मुहं धोवेइ थणंतराणि धोवेइ कक्खंतराणि धोवेइ गुज्झंतराणि धोवेइ जत्थ जत्थ वि य णं ठाणं वा सेनं वा निसीहियं वा चेएइ तं पुव्वामेव अन्भुक्खित्ता तओ पच्छा आसयइ वा सयइ वा । तए णं सा पुष्फचूला अन्ना कालियं अजं एवं वयासी-नो खलु कप्पइ देवाणुप्पिए ! समणीणं निग्गंथीणं सरीरबाउसियाणं होत्तए। तुमं च णं देवाणुप्पिए ! सरीरबीउसिया जाया अभिक्खणं २ हत्थे धोवसि जाव आसयाहि वा सयाहि वा । तं तुम देवाणुप्पिए ! एयरस ठाणस्स आलोएहि जाव पायच्छित्तं पडिवजाहि । तए णं सा काली अजा पुप्फचूलाए अजाए एयमझु नो आढाइ बाव तुसिणीया संचिट्ठइ । तए णं ताओ पुप्फचूलाओ अजाओ कालिं अब्द
