________________
192
भायाधम्मकहाओ [XVI. आव उवणेति । तए णं से पउमनाहे सन्नद्धः अभिसेयं दुरूहइ २ हयगय जेणेव कण्हे वासुदेवे तेणेव पहारेत्थ गमणाए । तए णं से कण्हे वासुदेवे पउमनाभं रायाणं एजमाणं पासइ २ ते पंच पंडवे एवं वयासी - हं भो दारगा! किन्नं तुब्भे पउमनाभेणं सद्धिं जुझिहेह उयाहु पिच्छहह ? तए ण ते पंचपंडवा कण्हं वासुदेवं एवं वयासी - अम्हे णं सामी ! जुल्झामो तुम्भे पेच्छह । तए पंचपंडका सन्नद्ध जाव पहरणा रहे दुरूहंति २ जेणेव पउमनाभे राया तेणेव उवागच्छंति २ एवं वयासी- अम्हे वा पउमनाभे वा राय त्तिकटु पउमनाभेणं सद्धिं संपलग्गा यावि होत्था । तर णं से पउमनाभे राया ते पंचपंडवे खिप्पामेव हयमहियपवरविवडियचिंधयपडागे जाव दिसोदिसि पडिसेहेइ । तए णं ते पंचपंडवा पउमनाभेणं रमा हयमहियपवरविवडिय जाव पडिसेहिया समाणा अत्थामा जाव अधारणिज्जमित्तिकटु जेणेव कण्हे वासुदेवे तेणेव उवागच्छंति । तए णं से कण्हे वासुदेवे ते पंचपंडवे एवं क्यासी - कहण्णं तुब्भे देवाणुप्पिया ! पउमनाभेणं रन्ना सद्धिं संपलग्गा ? तए णं ते पंचपंडवा कण्हं वासुदेवं एवं क्यासी- एवं खलु देवाणुप्पिया ! अम्हे तुब्भेहिं अब्भणुनाया समाणा सन्नद्धा० रहे दुरूहामो २ जेणेव पउमनाभे जाव पडिसेहेइ । तए णं से कण्हे वासुदेवे ते पंचपंडवे एवं वयासी-जई णं तुम्भे देवाणुप्पिया ! एवं वयंता- अम्हे नो पउमनाभे रायत्तिक१ पउमनाभेणं सद्धिं संप्पलग्गंता तो णं तुब्भे नो पउमंनाभे हयमहियपवर जाव पडिसेहित्था । तं पेच्छह णं तुम्भे देवाणुप्पिया! अहं नो पउमनाभे रायत्तिकटु पउमनाभेणं रन्ना सद्धिं जुज्झामि रहं दुरूहइ २ जेणेव पउमनामे राया तेणेव उवागच्छइ २ सेयं गोखीरहारधवलं तणसोल्लियसिंदुवारकुंदेंदुसन्निगासं निययस्स बलस्स हरिसजणणं रिउसेन्नविणासकर पंचजन्नं संखं परामुसइ २ मुहवायपूरियं करेइ । तए णं तस्स पउमनाभस्स तेणं संखसद्देणं बलतिभाए हए जाव पडिसेहिए । तए णं से कण्हे वासुदेवे धणुं परामुसइ वेढो धणुं पूरेइ २ धणुसहं करेइ । तए णं तस्स पउमनाभस्स दोच्चे बलतिभाए तेणं धणुसद्देणं हयमयि जाव पडिसेहिए।
