________________
नाया मकाओ
[XVI.123
वासुदेवपामोक्खाणं रायसहस्साणं आवासेसु साहरह । ते वि साहरंति । तए णं ते वासुदेवपामोक्खा तं विपुलं असणपाणखाइमसाइमं जाव पसन्नं च आसाएमाणा ४ विहरंति जिमियर्भुत्तत्तरागया वि य णं समाणा आयंता चोक्खा जाव सुहासणवरगया बहूहिं गंधव्वेहिं जाव विहरंति । तए णं से दुवए राया पुव्वावरण्हकालसमयसि कोडुंबिय - पुरिसे सहावेइ २ एवं वयासी गच्छह णं तुम्भे देवाणुप्पिया ! कंपिल्लपुरे सिंघाडग जाव पहेसु वासुदेवपामोक्खाण य रायसहस्साणं आवासेसु हत्थिखंधवरगया महया २ सद्देणं जाव उग्घोसेमाणा २ एवं वयह - एवं खलु देवाणुप्पिया ! कलं पाउप्पभायाए दुवयस्स रन्नो धूयाए चुलणीए देवीए अत्तियाए धज्जुणस्स भगिणीए दोवईए २ सयंवरे भविस्सइ । तं तुब्भेणं देवाणुप्पिया ! दुवयं रायाणं अणुगिण्हे माणा व्हाया जाव विभूसिया हत्थिखंधवरगया सकोरेंट ० सेयवरचामरा हयगय रह० महया भडचडगरेणं जाव परिक्खित्ता जेणेव सयंवरा मंडवे तेणेव उवागच्छह् २ पत्तेयं नामंकेसुं आसणेसु निसीयह २ दोवई २ पडिवालेमाणा २ चिट्ठह घोसणं घोसह २ मम एयमाणत्तियं पञ्चणिह । तए णं ते कोडुंबिया तद्देव जाव पञ्चपिणंति । तए णं से दुबए राया कोडुंबिय - पुरिसे सहावेइ २ एवं वयासी - गच्छह णं तुब्भे देवाणुप्पिया ! संयवरमंडवं आसियसंमजिओ लित्तं सुगंधवरगंधियं पंचवण्णपुप्फोवयारक लियं कालागरुपवरकुंदुरुक्कतुरुक्क जाव गंधवट्टिभूयं मंचाइमंचकलियं करेह कारवेद्द करेत्ता कारवेत्ता वासुदेवपामोक्खाणं बहूणं रायसहस्साणं पत्तेयं २ नामंकाई आसणाई अत्थुयपञ्चत्थुयाई रएह २ एयमाणत्तियं पञ्चप्पिणह जाव पञ्चप्पिणंति । तए णं ते वासुदेवपामोक्खा बहवे रायसहस्सा कल्लं ण्हाया जाव विभूसिया हत्थिखंधवरगया सकोरेंटमल्लछत्तेणं धरिजमाणेहिं सेयवरचामराहिं महया हयगय जाव परिवुडा सव्विड्डीए जाव वेणं जेणेव सयंवरा मंडवे तेणेव उवागच्छति २ अणुप्पविसंति २ पत्तेयं २ नामंकसु निसीयंति दोवई २ पडिवालेमाणा चिट्ठति । तप णं से दुवए राया कैल्लं ण्हाए जाव विभूसिए हत्थिखंधवरगए सकोरेंट ०
180
-
