________________
-Xv.110] नायाधम्मकहाओ
161 तेसिं नंदिफलाणं दूरंदूरेणं परिहरमाणा २ अन्नोस रुक्खाणं मूलाणि य जाव वीसमंति । तेसि णं आवाए नो भदए भवइ तओ पच्छा परिणममाणा २ सुभरूवत्ताए ५ भुजो २ परिणमंति । एवामेव समणाउसो ! जो अम्हं निग्गंथो वा २ जाव पंचसु कामगुगेसु नो सज्जइ से णं इहभवे चेव बहूणं समणाणं ४ अञ्चणिज्जे परलोए नो आगच्छइ जाव वीईवइस्सइ । तत्थ णं अप्पेगइया पुरिसा धणस्स एयमद्वं नो सहहंति ३ धणस्स एयमढे असहहमाणा ३ जेणेव ते नंदिफला तेणेव उवागच्छंति २ तेसिं नंदिफलाणं मूलाणि य जाव वीसमंति तेसिं णं आवाए भदए भवइ तओ पच्छा परिणममाणा जाव ववरोति । एवामेव समणाउसो ! जो अम्हं निग्गंथो वा २ पव्वइए पंचसु कामगुणेसु सजइ जाव अणुपरियट्टिस्सइ जहा व ते पुरिसा । तए णं से धणे सगडीसागडं जोयावेइ २ जेणेव अहिच्छत्ता नयरी तेणेव उवागच्छइ २ अहिच्छत्ताए नयरीए बहिया अग्गुजाणे सत्यनिवेसं करेइ २ सगडीसागडं मोयावेइ । तए णं से धणे सत्थवाहे महत्थं ३ रायारिहं पाहुडं गेण्हइ २ बहुपुरिसेहिं सद्धिं संपरिवुडे अहिच्छत्तं नयरिं मझमझेणं अणुप्पविसइ २ जेणेव कणगकेऊ राया तेणेव उवागच्छइ २ करयल जाव वद्धावेइ २ तं महत्थं ३ पाहुडं उवणेइ । तए णं से कणगकेऊ राया हहतुढे धणस्स सत्थवाहस्स तं महत्थं जाव पडिच्छइ २ धणं सत्थवाहं सक्कारेइ सम्माणेइ २ उस्सुक वियरइ २ पडिविसज्जेइ २ भंडविणिमयं करेइ २ पडिभंडं गेण्हइ २ सुहंसुहेणं जेणेव चंपा नयरी तेणेव उवागच्छइ २ मित्तनाइअभिसमनागए विपुलाई माणुस्सगाई जाव विहरइ। तेणं कालेणं २ थेरागमणं धणे सत्थवाहे धम्मं सोचा जेट्टपुत्तं कुटुंबे ठावेत्ता जाव पव्वइए सामाइयमाइयाई एक्कारस अंगाई बहूणि वासाणि जाव मासियाए जाव अन्नयरेसु देवलोएसु देवत्ताए उववन्ने महाविदेहे वासे सिझिहिइ जाव अंतं करेहिइ। . एवं खलु जंबू! समणेणं जाव संपत्तेणं पन्नरसमस्स नायज्झयणस्स अयमढे पन्नत्ते त्तिबेमि।
पचरसम नायज्झयणं समत्तं ॥१५॥
