________________
158
नायाधम्मकहाओ [XIV.104. पोटिला ताओ अजाओ एजमाणीओ पासइ २ हट्टतुट्ठा आसणायो अब्भुढेइ वंदइ नमसइ २ विपुलेणं असणेणं ४ पडिलामेइ २ एवं वयासी - एवं खलु अहं अजाओ! तेयलिपुत्तस्स पुटिव इट्ठा ५ आसि इयाण अणिट्ठा ५ जाव दंसणं वा परिभोगं वा । तं तुन्भे गं अजाओ बहुनायाओ बहुसिक्खियाओ बहुपढियाओ बहूणि गामागर जाव आहिडह बहूणं राईसर जाव गिहाइं अणुपविसह । तं अत्थियाइं भे अजाओ! केइ कहिंचि चुण्णजोए वा मंतजोगे वा कम्मणजोए वा हियउडावणे षा काउड्डावणे वा आभिओगिए वा वसीकरणे वा कोउयकम्मे वा भूइकम्मे वा मूले वा कंदे वा छल्ली वल्ली सिलिया वा गुलिया वा ओसहे वा भेसज्जे वा उवलद्धपुव्वे जेणाहं तेयलिपुत्तस्स पुणरवि इट्ठा ५ भवेज्जामि ? तए णं ताओ अन्नाओ पोट्टिलाए एवं वुत्ताओ समाणीओ दोवि कणे अंगुलियं ठवेंति २ पोट्टिलं एवं वयासी- अम्हे णं देवाणुप्पिए! समणीओ निग्गंथीओ जाव गुत्तबंभचारिणीओ । नो खलु कप्पइ अम्हं एयप्पगारं कण्यहिं वि निसामित्तए किमंग पुण उवदसित्तए वा आयरित्तए वा । अम्हे णं तव देवाणुप्पिया! विचित्तं केवलिपन्नत्तं धम्म परिकहिजामो । तए णं सा पोट्टिला ताओ अजाओ एवं वयासी - इच्छामि णं अजाओ ! तुभं अंतिए केवलिपन्नत्तं धम्म निसामित्तए । तए णं ताओ अन्जाओ पोट्टिलाए विचित्तं धम्म परिकहति । तए णं सा पोट्टिला धम्म सोचा निसम्म हट्ठा एवं वयासी-सदहामि णं अज्जाओ ! निग्गंथं पावयणं जाव से जहेयं तुम्भे वयह । इच्छामि णं अहं तुम्भं
आंतिए पंचाणुव्वइयं जाव धम्म पडिवज्जित्तए । अहासुहं देवाणुप्पिया। तए णं सा पोट्टिला तासिं अजाणं अंतिए पंचाणुव्वइयं जाव धम्म पडिवनइ ताओ अजाओ वंदइ नमसइ २ पडिविसज्जेइ । तए णं सा पोट्टिला समणोवासिया जाया जाव पडिलाभेमाणी विहरइ ।
__(105) तए णं तीसे पोट्टिलाए अन्नया कयाइ पुव्वरत्तावरत्तकालसमयसि कुटुंबजागरियं जागरमाणीए अयमेयारूवे अज्झथिए ४एवं खलु अहं तेयलिपुत्तस्स पुटिव इट्ठा ५ आसि इयाणिं अणिट्ठा ५ जाव
