________________
150
नायाधम्मकहाओ [XIV.102पठमावई नवण्हं मासाणं जाव पियदसणं सुरूवं दारगं पयाया । जं रयणिं च णं पउमावई दारयं पयाया तं रयाणिं च णं पोट्टिला वि अमञ्ची नवण्हं मासाणं विणिपोयमावन्नं दारियं पयाया । तए णं सा पउमावई देवी अम्मधाई सद्दावेइ २ एवं पयासी- गच्छह णं तुमं अम्मो ! तेयलि. पुत्तं रहस्सिययं चेव सहावेहि । तए णं सा अम्मधाई तहत्ति पडिसुणेइ २ अंतेउरस्स अवदारेणं निग्गच्छइ २ जेणेव तेयलिस्स गिहे जेणेव तेयलिपुत्ते तेणेव उवागच्छइ २ करयल जाव एवं वयासी - एवं खलु देवाणुप्पिया ! पउमावई देवी सदावेइ । तए णं तेयलिपुत्ते अम्मधाईए अंतिए. एयमढे सोचा हट्ठतुढे अम्मधाईए साढे सयाओ गिहाओ निग्गच्छइ २ अंतेउरस्स अवदारेणं रहस्सिययं चेव अणुप्पविसइ २ जेणेव पउलावई तेणेव उवागच्छइ करयल जाव एवं वयासो-संदिसंतु णं देवाणुप्पिया ! जं मए कायव्वं । तए णं पउमावई तेयलिपुत्तं एवं वयासी - एवं खलु कणगरहे राया जात्र वियंगेइ । अहं च णं देवाणुप्पिया! दारगं पयाया। तं तुन्भे णं देवाणुप्पिया ! एयं दारगं गेहाहि जाव तव मम य भिक्खाभायणे भविरसइ तिकटु तेयलिपुत्तस्स हत्थे दलयइ । तए णं तेयलिपुत्ते पउमावईए हत्थाओ दारगं गेण्हइ उत्तरिजेणं पिहेई २ अंतेउरस्स रहस्सिययं अवदारेणं निग्गच्छइ २ जेणेव सए गिहे जेणेव पोट्टिला भारिया वेणेव उवागच्छइ २ पोटिलं एवं वयासी - एवं खलु देवाणुप्पिए ! कणगरहे राया रजे य जाव वियंगेइ । अयं च णं दारए कणगरहस्स पुत्ते पउमावईए अत्तए । तन्नं तुमं देवाणुप्पिए! इमं दारगं कणगरहस्स रहस्सिययं चेव अणुपुव्वेणं सारक्खाहि य संगोवेहि य संवड्डेहि य । तए णं एस दारए उमुक्कबालभावे तव य मम य पउमावईए य आहारे भविस्सइ तिकटु पोट्टिलाए पासे निक्खिवैइ २ पोट्टिलाएं पासाओ तं विणिहायमावन्नियं दारियं गेण्हइ २ उत्तरिजेणं पिहेई २ अंतेउरस्स अवदारेणं अणुप्पविसइ २ जेणेव पउमावई देवी तेणेव उवागच्छइ २ पउमावईए देवीए पासे ठावेइ जाव पडिनिग्गए । तए णं तीसे पउमावईए अंगपडि
