________________
_149
--XIV:102] नायाधम्मकहाओ जेणेव तेयलिपुत्ते अमच्चे तेणेव उवागच्छंति २ तेयलिपुत्तं एयमढे निवेइंति । तए ण कलाए.२ अन्नया कयाइं सोहणसि तिहिकरणनक्खत्तमुहुतंसि पोट्टिलं दारियं ण्हायं सव्वालंकारविभूसियं सीयं दुरूहेत्ता मित्तणाइसंपरिवुडे सयाओ गिहाओ पडिनिक्खमइ २ सव्विड्डीए ४ तेयलिपुरं नयरं मझमज्झेणं जेणेव तेयलिस्स गिहे तेणेव उवागच्छइ पोट्टिलं दारियं तेयलिपुत्तस्स सयमेव भारियत्ताए दलयइ । तए णं तेयलिपुत्ते पोट्टिलं दारियं भारियत्ताए उवणीयं पासइ २ पोट्टिलाए सद्धिं पट्टयं दुरूहइ २ सेयापीएहिं कलसेहिं अप्पाणं मजावेइ २ अग्गिहोमं करेइ २ पाणिग्गहणं करेइ २ पोट्टिलाए भारियाए मित्तनाइ जाव परियणं विउलेणं असणपाणखाइमसाइमेणं पुप्फवत्थ जाव पडिविसज्जेइ । तए णं से तेयलिपुत्ते पोट्टिलाए भारियाए अणुरत्ते अविरत्ते उरालाई जाव विहरइ।
(102) तए णं से कणगरहे रजे यरतु य बले य वाहणे य कोसे य कोट्ठागारे य अंतेउरे य मुच्छिए ४ जाए २ पुत्ते वियंगेइ । अप्पेगइयाणं हैत्थंगुलियाओ छिंदइ अप्पेगइयाणं हत्थंगुट्ठए छिंदइ। एवं पायंगुलियाओ पौयंगुट्ठए वि कण्णसंकुलीयाओ वि नासापुडाई फालेइ अंगोवंगाई वियंगेइ । तएणं तीसे पउमावईए देवीए अन्नया कयाइ पुठवरत्तावरत्तकालसमयंसि अयमेयारूवे अज्झथिए ४ समुप्पजित्था - एवं खलु कणगरहे राया रज्जे य जाव पुत्ते वियंगेइ जाव अंगमंगाई वियंगेइ । तं जइ णं अहं दारयं पयामि सेयं खलु मम तं दारगं कणगरहस्स रहस्सिययं चेव सारक्खमाणीए संगोवेमाणीए विहरित्तए त्तिकटु एवं संपेहेइ २ तेयलिपुत्तं अमञ्चं सहावेइ २ एवं वयासी-एवं खलु देवाणुप्पिया ! कणगरहे राया रज्जे य जाव वियंगेइ । तं जइ णं अहं देवाणुप्पिया ! दारगं पयायामि तए णं तुम कणगरहस्स रहस्सिययं चेव अणुपुव्वेणं सारक्खमाणे संगोवेमाणे संवड्डेहि । तए णं से दारए उमुक्कबालभावे जाव जोव्वणगमणुप्पत्ते तव य मम य भिक्खाभायणे भविस्सइ । तए णं से तेयलिपुत्ते पउमावईए एयमढें पडिसुणेइ २ पडिगए । तए णं पउमावई देवी पोट्टिला य अमच्ची सममेव गन्भं गेण्हइ सममेव परिवहति । तए णं सा
