________________
-XII.99] नायाधम्मकहाओ
143 य सुणमाणो य पेच्छमाणो य साहेमाणो य सुहंसुहेणं विहरइ । तए णं नंदे दाहिणिल्ले वणसंडे एगं महं महाणससालं कारावेइ अणेगखंभ जाव रूवं । तत्थ णं बहवे पुरिसा दिन्नभइभत्तवेयणा विउलं असणं ४ उवक्खडेंति बहूणं समणमाहणअतिहिकिवणवणीमगाणं परिभाएमाणा २ विहरंति ! तए णं नंदे मणियारसेट्ठी पञ्चत्थिमिल्ले वणसंडे एगं महं तिगिच्छियसालं करेइ अणेगखंभसय जाव पडिरूवं । तत्थ णं बहवे वेज्जा य वेजपुत्ता य जाणुया य जाणुयपुत्ता य कुसला य कुसलपुत्ता य दिन्नभइभत्तवेयणा बहूणं वाहियाण य गिलाणाण य रोगियाण य दुब्बलाण य तेइच्छकम्मं करेमाणा विहरति । अन्ने य तत्थ बहवे पुरिसा दिनभइ० तेसिं बहुणं वाहियाण य रोगियगिलाणदुब्बलाण य ओसहभेसबभत्तपाणेणं पडियारकम्मं करेमाणा विहरति । तए णं नंदे उत्तरिल्ले वणसंडे एगं महं अलंकारियसभं कारेइ अणेगखंभसय जाव पडिरूवं । तत्थ णं बहवे अलंकारियमणुस्सा दिनभइभत्तपाणा बहूणं समणाण य माहणाण य सनाहाण य अणाहाण य गिलाणाण य रोगियाण य दुब्बलाण य अलंकारियकम्मं करेमाणा २ विहरति । तए णं तीएं नंदाए पोक्चरिणीए बहुवे सणाहा य अणाहा य पंथिया य पहिया य करोडियाँ तणहारा पत्तहारा कट्ठहारा अप्पेगइया व्हायंति अप्पेगइया पाणियं पियंति अप्पेगइया पाणियं संवहंति अप्पेगइया विसज्जियसेयजलमलपरिस्समनिहखुप्पिवासा सुहंसुहेणं विहरति । रायगिहनिग्गओ वि एत्थ बहुजणो किं ते जलरमणविविहमजणकयलिलयाहरयकुसुमसत्थरयअणेगसउणगणकयरिभियसंकुलेसु सुहंसुहेणं अभिरममाणो २ विहरइ। तए णं नंदाए पोक्खरिणीए बहुजणो व्हायमाणो य पीयमाणो य पाणियं च संवहमायो य अन्नमन्नं एवं वयासी - धन्ने मं देवाणुप्पिया ! नंदे मणियारसेट्ठी क्रयत्थे जाव जम्मजीवियफले जस्स पं इमेयारूवा नंदा पोक्खरिणी चाउकोणा जाव पडिरूवा जस्स णं पुरथिमिल्ले तं चेव सवं चासु बि वणसंडेसु जाव रायगिहविणिग्गओ जत्थ बहुजणो आसणेसु म सगणेसु ब समिसण्यो य संतुयट्टो य प्रेच्छमाणो म साहेमाणो च
