________________
नायाधम्मकहाओ [XIIL.100सुहंसुहेणं विहरइ । तं धन्ने कयत्ये कयलक्खणे कयपुण्णे कया णं लोया सुलद्धे माणुस्सए जम्मजीवियफले नंदस्स माणयारस्स । तए णं रायगिहे सिंघाडग जाव बहुजणो अन्नमन्नस्स एवमाइक्खइ ४ - धन्ने णं देवाणुप्पिया! नंदे मणियारे सो चेव गमओ जाव सुहंसुहेणं विहरइ । तए णं से नंदे मणियारे बहुजणस्स अंतिए एयमढे सोचा निसम्म हट्ठतुढे धाराहयकयंबकं पिव समूसवियरोमकूवे परं सायासोक्खमणुभवेमाणे विहरइ ।
(100) तए णं तस्स नंदस्स मणियारसेहिस्स अन्नया कयाइ सरीरगंसि सोलस रोयायंका पाउन्भूया तंजहा- सासे कासे जरे दाहे कुच्छिसूले भगंदरे । अरिसा अजीरए दिहीमुद्धसूले अकारए ॥१॥ अच्छिवेयणा कण्णवेयणा कंडू दैउदरे कोढे ॥ तए णं से नंदे मणियारसेट्ठी सोलसहिं रोयायंकेहिं अभिभूए समाणे कोडुंबियपुरिसे सहावेइ २ एवं वयासी- गच्छह णं तुम्भे देवाणुप्पिया ! रायगिहे नयरे सिंघाडग जाव पहेसु महया २ सहेणं उग्घोसेमाणा २ एवं वयह-एवं खलु देवाणुप्पिया! नंदस्स मणियारस्स सरीरगंसि सोलस रोयायका पाउन्भूया तंजहा - सासे जाव कोढे । तं जो णं इच्छइ देवाणुप्पिया ! विजो वा विनपुत्तो वा जाणुओ वा २ कुसलो वा २ नंदस्स मणियारस्स तेसिं च णं सोलसण्हं रोयायंकाणं एगमवि रोयायंकं उवसामित्तए तस्स णं नंदे मणियारे विउलं अत्थसंपयाणं दलयइ तिकटु दोश्चपि तश्चंपि घोसणं घोसेह २ एयमाणत्तियं पञ्चप्पिणह तेवि तहेव पञ्चप्पिणंति । तए णं रायगिहे इमेयारूवं घोसणं सोचा निसम्म बहवे वेज्जा य वेजपुत्ता य जाव कुसलपुत्ता य सत्थकोसहत्थगया य सिलियाहत्थगया य गुलियाहत्थगया य ओसहभेसज्जहत्थगया य सएहिं २ गिहेहितो निक्खमंति २ रायगिहं मझमझेणं जेणेव नंदस्स मणियारसेहिस्स गिहे तेणेव उवागच्छंति २ नंदस्स मणियारस्स सरीरगं पासंति २ तेसिं रोयायंकाणं नियाणं पुच्छंति २ नंदस्स मणियारस्स बहुहिं उचलणेहि य उव्वट्टणेहि य सिणेहपाणेहि य वमणेहि य विरेयणेहि य सेयणेहि य अवहणेहि य
