________________
142
मायाधम्मकहाओ [XIII.99पोक्खरिणीओ जाव सरसरपंतियाओ जत्थ णं बहुजणो ण्हाइ य पियइ य पाणियं च संवहइ । तं सेयं खलु मम कल्लं सेणियं रायं आपुच्छित्ता रायगिहस्स बहिया उत्तरपुरथिमे दिसीभागे बेन्मारपव्वयस्स अदूरसामंते वत्थुपाढगरोइयंसि भूमिभागसि नंदं पोक्खरिणिं खणावेत्तए त्तिकटु एवं संपेहेइ २ कल्लं जाव पोसहं पारेइ २ पहाए कयबलिकम्मे मित्तनाइ जाव संपरिबुडे महत्थं जाव पाहुडं रायारिहं गेण्हइ २ जेणेव सेणिए राया तेणेव उवागच्छइ जाव पाहुडं उवट्ठवेइ २ एवं वयासी - इच्छामि णं सामी ! तुब्भेहिं अब्भणुन्नाए समाणे रायगिहस्स बहिया जाव खणावेत्तए । अहासुहं देवाणुप्पिया । तए णं से नंदे सेणिएणं रना अब्भणुनाए समाणे हट्टतुढे रायगिहं नगरं मझमझेणं निग्गच्छइ २ वत्थुपाढयरोईयांस भूमिभागसि नंदं पोक्खरणिं खणावेउं पयत्ते यावि होत्था । वए णं सा नंदा पोक्खरणी अणुपुव्वेणं खम्ममाणा २ पोक्खरेणी जाया यावि होत्था चाउकोणा समतीरा अणुपुव्वं सुजायवप्पसीयलजला संच्छन्नपत्तभिसमुणाला बहुउप्पलपउमकुमुदनलिणसुभगसोगंधियपुंडरीयमहापुंडरीयसयपतसहस्सर्पत्तपुप्फफलकेसरोववेया परिहत्थभमंतमत्तछप्पयअणेगसउणगणमिगुणवियरियसद्दनइयमहुरसरनाइया पासाईया ४। तए णं से नंदे मणियारसेट्ठी नंदाए पोक्खरिणीए चउदिास चत्तारि वणसंडे रोषावेइ । तए णं ते वणसंडा अणुपुव्वेणं सारक्खिनमाणा संगोविजमाणा संवड्डिजमाणा य वणसंडा जाया किण्हा जाव निउरंबभूया पत्तिया पुफिया जाव उवसोभेमाणा २ चिट्ठति ! तए णं नंदे पुरथिमिल्ले वणसंडे एगं महं चित्तसभं करावेइ २ अणेगखंभसयसंनिविलु पासाइयं ४ । तत्थ णं बहूणि किण्हाणि य जाव सुकिलाणि य कट्ठकम्माणि य पोत्थकम्माणि य चित्तलेप्पगंथिमवेढिमपुरिमसंघाइमाई उवदंसिज्जमौणाई २ चिट्ठति । तत्थ णं बहूणि आसणाणि य सयणाणि य अत्थुयपञ्चत्थुयाई चिट्ठति । तत्थ णं बहवे नडा य नट्टा य जाव दिनभईभत्तवेयणा तालायरकम्मं करेमाणा विहरति । रायगिहविणिग्गओ तत्थ णं बहुजणो तेसु पुव्वन्नत्थेसु आसणसयणेसु संनिसण्णो य संतुयट्टो
