________________
-1x.89 नायाधम्मकहाओ
127 साद्धिं विउलाई भोगभोगाई मुंजमाणी विहरइ। तए णं सा रयणदीवदेवया अन्नया कयाइ अहालहुसगंसि अवराहसि परिकुविया समाणी ममं एयारूवं आवयं पावेइ । तं न नजइ णं देवाणुप्पिया ! तुम्भं पि इमेसिं सरीरगाणं का मन्ने आवई भविस्सइ । तए णं ते माकंदियदारगा तस्स सूलाइगस्स अंतिए एयमढे सोच्चा निसम्म बलियतरं भीया जाव संजायभया सूलाइयं पुरिसं एवं वयासी - कहं गं देवाणुप्पिया ! अम्हे रयणदीवदेवयाए हत्थाओ साहत्थिं नित्थरिजामो ? तए णं से सूलाइए पुरिसे ते माकंदियदारगे एवं वयासी- एस णं देवाणुपिया ! पुरथिमिल्ले वणसंडे सेलगस्स जक्खस्स जक्खायणे सेलए नामं आसरूवधारी जक्खे परिवसइ । तए णं से सेलए जक्खे चाउद्दसट्टमुद्दिट्टपुण्णमासिणीसु आगयसमए पत्तसमए महया २ सद्देणं एवं वर्दइकं तारयामि १ कं पालयामि ? तं गच्छह णं तुम्भे देवाणुप्पिया ! पुरथिमिल्लं वणसंडे सेलगस्स जक्खस्स महरिहं पुप्फच्चणियं करेह २ जन्पायवडिया पंजलिउडा विणएणं पज्जुवासमाणा विहरह। जाहे णं से सेलए जक्खे आगयसमए पत्तसमए एवं वएज्जा-कं तारयामि ? कं पालयामि ? ताहे तुम्भे एवं वयह – अम्हे तारयाहि अम्हे पालयाहि । सेलए भी जक्खे परं रयणदीवदेवयाए हत्थाओ साहत्थिं नित्थारेज्जा । अन्नहा भो न याणामि इमेसिं सरीरगाणं का मन्ने आवई भविस्सइ । .. (89) तए णं ते माकंदिरादारगा तस्स सूलाइयस्स अंतिए एयमहूं सोच्चा निसम्म सिग्धं चंडं चवलं तुरियं वयं जेणेव पुरथिमिल्ले वणसंडे जेणेव पोक्खरिणी तेणेव उवागच्छंति २ पोक्खरिणं ओगाहेंति २ जलमज्जणं करेंति २ जाई तत्थ उप्पलाई जाव गेहंति २ जेणेव सेलगस्स जक्खस्स जक्खाययणे तेणेव उवागच्छंति २ आलोए पणाम करेंति २ महरिहं पुप्फच्चणियं करेंति २ जन्नुपीयवडिया सुस्सूसमाणा नमसमाणा पज्जुवासंति । तए णं से सेलए जक्खे आगयसमए पत्तसमए एवं वयासी- के तारयामि ? के पालयामि १ तए ण ते माकंदियदारगा उहाए उडेति' करयल जाव बद्धावेत्ता एवं
