________________
124
नायाधम्मकहाओ [IX.87धारेणं असिणा रत्तगंडमंसुयाई माउआहिं उवसोहियाई तालफलाणिव सीसाइं एगंते एंडेमि । तए णं ते माकंदियदारगा रयणदीवदेवयाए अंतिए एयमढे सोच्चा निसम्म भीया करयल जाव वद्धावेत्ता एवं वयासीजन्नं देवाणुप्पिया वहस्सइ तस्स आणाउववायवयणनिहेसे चिहिस्सामो । तए णं सा रयणदीवदेवया ते माकंदियदारए गेण्हइ २ जेणेव पासायवडेंसए तेणेव उवागच्छइ २ असुभपोग्गलावहारं करेइ २ सुभपोग्गलपक्खेवं करेइ २ तओ पच्छा तेहिं सद्धिं विउलाई भोगभोगाइं भुंजमाणी विहरइ कल्लाकल्लिं च अमयफलाई उवणेइ । __ . (87) तए णं सारयणदीवदेवया सक्कवयणसंदेसेणं सुट्टिएणं लवणाहिवइणा लवणसमुद्दे तिसत्तखुत्तो अणुपरियट्टेयव्वे त्ति जं किंचि तत्थ तणं वा पत्तं वा कटं वा कयवरं वा असुइ पूयं दुरभिगंधमचोक्खं तं सव्वं आहुणिय २ तिसत्तखुत्तो एगते एडेयव्वं तिकटु निउत्ता। तए णं सा रयणदीवदेवया ते माकंदियदारए एवं वयासी- एवं खलु अहं देवाणुप्पिया ! सक्कवयणसंदेसेणं सुट्टिएण लवणाहिवइणा तं चैव जाव निउत्ता । तं जाव ताव अहं देवाणुप्पिया! लवणसमुद्दे जाव एडेमि वाव तुब्भे इहेव पासायवडेंसए सुहंसुहेणं अभिरममाणा चिट्ठह । जइ णं तुब्भे एयंसि अंतरंसि उव्विग्गा वा उस्सुया वा उप्पुया वा भवेज्जाह तो णं तुब्भे पुरथिमिलं वणसंडं गच्छेज्जाह । तत्थ णं दो उऊ सया साहीणा तंजहा-पाउसे य वासारचे यः-तत्थ उ कंदलसिलिंधदंतो निउरवरपुप्फपीवरकरो। कुडयज्जुणनीवसुरभिदाणो पाउसउऊ गयवरो साहीणो॥१॥ तत्थ य:- सुरगोवमणिविचित्तो दैहुरकुलरसियउज्झेररवो । घरहिणवंदपरिणद्धसिहरो वासारत्तउऊपव्वओ साहीणो ॥२॥ तत्थ णं तुम्भे देवाणुप्पिया ! बहुसु वावीसु य जाव सरसरपंतियासु य बहुसु आलीघरएसु य मालीघरएसु य जाव कुसुमघरएसु य सुहंसुहेणं अभिरममाणा २ विहरिज्जाह । जइ णं तुम्भे तत्थ वि उव्वैिग्गा वा उस्सुया वा उप्पुया वा भवेज्जाह तो गं तुब्भे उत्तरिल्लं वणसंडं गच्छेज्जाह । तत्थ णं दो उॐ सया साहीणा तंजहा :- सरदो य हेमंतो य । तत्थ उ
