________________
118 नायाधम्मकहाओ
[VIII.82उवट्ठवेह जाव उवट्ठति । तेवि कलसा ते चेव कलसे अणुपविट्ठा । तए णं से सक्के देविंदे देवराया कुंभए य राया मल्लिं अरहं सीहासणंसि पुरत्थाभिमुहं निवेसेइ अट्ठसहस्सेणं सोवणियाणं जाव अभिसिंचंति । तए णं मल्लिस्स भगवओ आभिसेए वट्टमाणे अप्पेगइया देवा मिहिलं च सभितरबाहिरं जाव सव्वओ समंता संपरिधावति । तए णं कुंभए राया दोच्चंपि उत्तरावक्कमणं जाव सव्वालंकारविभूसियं करेइ २ कोडुबियपुरिसे सद्दावेइ २ एवं वयासी - खिप्पामेव मणोरमं सीयं उवट्ठवेह ते उवट्ठवेंति । तए णं सके आभिओगिए देवे वयासी - खिप्पामेव अणेगखंभ जाव सीयं उवट्ठवेह जाव सावि सीया तं चेव सीयं अणुप्पविट्ठा । तए णं मल्ली अरहा सीहासणाओ अब्भुढेइ २ जेणेव मणोरमा सीया तेणेव उवागच्छइ २ मंणोरमं सीयं अणुपयाहिणीकरेमाणा मणोरणं सीयं दुरूहइ २ सीहासणवरगए पुरत्थाभिमुहे सन्निसण्णे । तए णं कुंभए अट्ठारस सेणिप्पसेणीओ सद्दावेइ २ एवं वयासी - तुब्भे णं देवाणुप्पिया ! ण्हाया जाव सव्वालंकारविभूसिया मल्लिस्स सीयं परिवहह जाव परिवहति । तए णं सक्के ३ मणोरमाए सीयाए दक्खिणिलं उवरिलं बाहं गेण्हइ । ईसाणे उत्तरिलं उवरिलं बाहं गेग्हइ । चमरे दाहिणिलं हेटिल्लं बली उत्तरिलं हेटिलं अवसेसा देवा जहारिहं मणोरमं सीय परिवहति - पुल्विं उक्खित्ता माणुसेहिं सा हट्ठरोमकूवेहिं । पच्छा वहति सीयं असुरिंदसुरिंदनागिंदा ॥१॥ चलचवलकुंडलधरा सच्छंदविउव्वियाभरणधारी । देविंददाणविंदा वहति सीयं जिणिदस्स ॥२॥ तए णं मल्लिस्स अरहओ मणोरमं सीयं दुरूढस्स इमे अट्ठमंगलगा पुरओ अहाणुपुव्वेणं एवं निग्गमो जहा जमालिस्स | तएं णं मल्लिस्स अरहओ निक्खममाणस्स अप्पेगइया देवा मिहिलं आसिय जाव अभितरवासविहिगाहा जाव परिधावंति । तए णं मल्ली अरहा जेणेव सहस्संबवणे उजाणे जेणेव असोगवरपायवे तेणेव उवागच्छइ २ सीयाओ पच्चोरुहइ २ आभरणालंकारं पभावई पडिच्छइ । तए णं मल्ली अरहा सयमेव पंचमुट्टियं लोयं करेइ । तए णं सक्के ३
