________________
117
-VIII.82] नायाधम्मक ओ इमेयारूवं अत्थसंपयाणं दलइत्ता निक्समामित्ति मणं पहारेइ ।
(82) तेणं कालेणं २ लोगंतिया देवा बंभलोए कप्पे रिटे विमाणपत्थडे सएहिं २ विमाणेहिं सएहिं २ पासायवडिसएहिं पत्तेयं २ चउहिं सामाणियसाहस्सीहिं तिहिं परिसाहिं सत्तहिं अणिएहिं सत्तहिं आणियाहिवईहिं सोलसहिं आयरक्खदेवसाहस्सीहिं अन्नेहि य बहूहिं लोगंतिएहिं देवेहिं सद्धिं संपरिखुडा महयाहयनट्टगीयवाइय जाव रवेणं मुंजमाणा विहरति तंजहा- सारस्सयमाइच्चा वण्ही वरुणा य गद्दतोया य । तुसिया अव्वाबाहा अग्गिच्चा चेव रिट्ठा य ॥१॥ तए णं तेसिं लोगतियाणं देवाणं पत्तेयं २ आसणाई चलंति तहेव जाव अरहंताणं निक्खममाणाणं संबोहणं करित्तए त्ति तं गच्छामो णं अम्हे वि मल्लिस्स अरहओ संबोहणं करेमो तिकटु एवं संपेहेंति २ उत्तरपुरस्थिमं दिसीभागं वेउव्वियसमुग्घाएणं समोहणंति संखेज्जाइं जोयणाई एवं जहा जंभगा जाव जेणेव मिहिला रायहाणी जेणेव कुंभगस्स रन्नो भवणे जेणेव मल्ली अरहा तेणेव उवागच्छति २ अंतलिक्खपडिवन्ना सखिखिणियाइं जाव वत्थाई पवरपरिहिया करयल जाव ताहिं इट्ठाहिं एवं वयासी - बुज्झाहि भगवं लोगनाहा ! पवत्तेहि धम्मतित्थं जीवाणं हियसुहनिस्सेयसकर भविस्सइ तिकटु दोच्चंपि तच्चंपि एवं वयंति मल्लिं अरहं वंदति नमसंति २ जामेव दिसिं पाउन्भूया तामेव दिसिं पडिगया । तए णं मल्ली अरहा तेहिं लोगंतिपहिं देवेहिं संबोहिए समाणे जेणेव अम्मापियरो तेणेव उवागच्छइ २ करयल जाव एवं वयासी - इच्छामि णं अम्मयाओ! तुन्भेहिं अब्भणुनाए मुंडे भवित्ता जाव पव्वइत्तए । अहासुहं देवाणुप्पिया ! मा पडिबंधं करहै । तए णं कुंभए राया कोडंबियपुरिसे सद्दावेइ २ एवं वयासी - खिप्पामेव अट्ठसहस्सं सोवण्णियाणं कलसाणं जाव भोमेज्जाणं अन्नं च महत्थं जाव तित्थयराभिसेयं उवट्ठवेह जाव उवट्ठति । तेणं कालेणं २ चमरे असरिदे जाव अच्चुय. पज्जवसाणा आगया । तए णं सक्के आभिओगिए देवे सद्दावेइ २ एवं वयासी - खिप्पामेव अट्ठसहस्सं सोवणियाणं जाव अन्नं च तं विपुलं
