________________
113
-VIII.80]
नायाधम्मकहाओ रायहाणं निस्संचारं जाव चिट्ठति । तए णं अहं पुत्ता तोस जियसत्तुपामोक्खाणं छण्हं राईणं अंतराणि अलभमाणे जाव झियामि । तए णं सा मल्ली २ कुंभगं रायं एवं वयासी - माणं तुब्भे ताओ ! ओहयमणसंकप्पा जाव झियायह । तुब्भे णं ताओ ! तास जियसत्तुपामोक्खाणं छण्हं राईणं पत्तेयं २ रहस्सिए दूयसंपेसे करेह एगमेगं एवं वयह – तव देमि मल्लिं २ तिकटु संझाकालसमयंसि पविरलमणुस्ससि निसंतपडिनिसंतंसि पत्तेयं २ मिहिलं रायहाणि अणुप्पविसेह २ गब्भघरएसु अणुप्पविसेह मिहिलाए रायहाणीए दुवाराई पिहेह २ रोहसज्जे चिट्ठह । तए णं कुंभए एवं तं चेव जाव पवेसेइ रोहसंज्जे चिट्ठइ । तए णं ते जियसत्तुपामोक्खा छप्पि रायाणो कल्लं जाव जलते जालंतरेहिं कणगमयं मत्थयछिडूं पउप्पलपिहाणं पडिमं पासंति एस णं मल्ली २ तिकटु मल्लीए २ रूवे य जोवणे य लावण्णे य मुच्छिया गिद्धा जाव अज्झोववन्ना अणिमिसाए दिट्ठीए पेहमाणा २ चिट्ठति । तए णं सा मल्ली २ हाया जाव पायच्छित्ता सव्वालंकारविभूसिया बहूहिं खुजाहिं जाव परिक्खित्ता जेणेव जालघरए जेणेव कणगपडिमा तेणेव उवागच्छइ २ तीसे कणगपडिमाए मत्थयाओ तं पउमं अवणेइ । तए णं गंधे निद्धावेई से जहानामए अहिमडे इ वा जाव असुभतराए चेव । तए णं ते जियसत्तूपामोक्खा तेणं असुभेणं गंधेणं अभिभूया समाणा सरहिं २ उत्तरिज्जेहिं आसाइं पिहेंति २ परम्मुहा चिट्ठति । तए णं सा मल्ली २ ते जियसत्तुपामोक्खे एवं वयासी - किं णं तुम्भे देवाणुप्पिया ! सएहिं २ उत्तरिज्जेहिं जाव परम्मुहा चिट्ठह ? तए णं ते जियसत्तूपामोक्खा मल्लिं २ एवं वयंति – एवं खलु देवाणुप्पिए ! अम्हे इमेणं असुभेणं गंधेणं अभिभूया समाणा सएहिं २ जाव चिट्ठामो । तए णं मल्ली २ ते जियसत्तूपामोक्खे एवं वयासी - जई तावं देवाणुप्पिया ! इमीसे कणग जाव पडिमाए कल्लाकल्लिं ताओ मणुन्नाओ असणाओ ४ एगमेगे पिंडे पक्खिप्पमाणे २ इमेयारूवे असुभे पोग्गले परिणामे इमस्स पुण ओरालियसरीरस्स खेलासवस्स वंतासवस्स पित्तासवस्स सुकासवस्स
