________________
96
नायाधम्मकहाओ
(VIII.73चिट्ठह । तए णं ते कोडुंबिया जाव चिट्ठति । तए णं सा पउमावई देवी कल्लं कोडुबिए एवं वयासी - खिप्पामेव भो देवाणुप्पिया ! सागेयं नयरं सभितरबाहिरियं आसियसम्मज्जिओवलित्तं जाव पच्चप्पिणंति । तए णं सा पउमावई दोच्चंपि कोडुंबिय जाव खिप्पामेव लहुकरणजुत्तं जाव जुत्तामेव उवट्ठति । तए णं सा पउमावई अंतो अंतेउरांस व्हाया जाव धम्मियं जाणं दुरूढा । तए णं सा पउमावई नियगपरियालसंपरिवुडा सागेयं नयरं मज्झमज्झेणं निजोइ २ जेणेव पुक्खरणी तेणेव उवागच्छइ २ पोक्खराणं ओगाहेइ २ जलमज्जणं जाव परमसुइभूया उल्लपडसाडया जाई तत्थ उप्पलाइं जाव गेण्हइ २ जेणेव नागघरए तेणेव पहारेत्थ गमपाए । तए णं पउमावईए दासचेडीओ बहूओ पुप्फपंडलगहत्थगयाओ धूवकडेंच्छयहत्थगयाओ पिट्ठओ समणुगच्छंति। तए णं पउमावई सव्विड्डीए जेणेव नागघरए तेणेव उवागच्छइ २ नागघरं अणुप्पविसइ २ लोमहत्थगं जाव धूवं डहइ २ पडिबुद्धिं पडिवालेमाणी २ चिट्ठइ । तए णं पडिबुद्धी व्हाए हत्थिखंधवरगए सकोरंट जाव सेयवरचामराहि य हयगयरहमयाभडचडगरपहकरहिं सागेयं नगरं मझमझेणं निग्गच्छह २ जेणेव नागघरए तणेव उवागच्छइ २ हत्थिखंधाओ पच्चोरुहइ २ आलोए पणामं करेइ २ पुप्फमंडवं अणुपविसइ २ पासइ तं एगं महं सिरिदामगंडं । तए णं पडिबुद्धी तं सिरिदामगंडं सुचिरं कालं निरिक्खइ २ तंसि सिरिदामगंडंसि जायविम्हए सुबुाद्धं अमच्चं एवं वयासी - तुमं देवाणुप्पिया! मम दोच्चेणं बहूणि गामागर जाव सन्निवेसाई आहिंडसि बहूण य राईसर जाव गिहाई अणुपविससि । तं अस्थि णं तुमे काहिचि एरिसए सिरिदामगंडे दिट्ठपुव्वे जारिसए णं इमे पउमावईदेवीए सिरिदामगंडे ? तए णं सुबुद्धी पीडबुद्धिं रायं एवं वयासी- एवं खलु सामी। अहं अन्नया कयाई तुम्भं दोच्चेणं मिहिलं रायहाणं गए। तत्थ णं मए कुंभगस्स रनो धूयाए पभावईए देवीए अत्तयाए मल्लीए संवच्छरपडिलेहणगंसि दिव्वे सिरिदामगंडे दिट्ठपुव्वे । तस्स णं सिरिदामगंडस्स इमे
