________________
गच्छाचारपइण्णयं
___ २६८ कालं किच्चा सक्कस्स देविंदस्स देवरण्णो सामाणियदेवत्ताए उववज्जिहिति, तत्थ णं अत्थे गइयाणं देवाणं दोसागरोचमाई ठिई पण्णत्ता, तत्थ णं सोमस्स वि देवस्स दो सागरोवमाइं ठिई पण गत्ता । से णं भते ! सोमे देवे तओ देवलोगाओ आउक्खएणं जाव कहिं उववज्जिहिति? गोयमा ! महाविदेहे वासे जाव अंतं काहिति ।। अथ काल्युदाहरणम् | यथा-तेणं कालेणं तेणं समएणं रायगि नगरे गुणसिलए चेइए सेणिए राया चिल्लणा देवी सामी समोसढे, परिसा निग्गया जाव परिसा पज्जुवासेइ, तेणं कालेणं तेणं समएणं काली नामं देवी चमरचंचाए रायहाणीए कालवडिंसगभवणे कालंसि सीहासा गंसि चउहिं सामाणियसाहस्सीहिं, चउहिं मयहरियाहिं, सपरिवाराहिं, तिहि परिसाहिं, सत्तहिं अणिएहिं, सत्तहिं अणियाहिवईहिं, सोलसहिं आयरक्खदेवसाहस्सीहिं, अण्णेहि य बहूहिं कालवडिंसयभवणवासीहिं असुरकुमारेहिं देविहिं देवीहि य साद्ध संपरिवुडा महया जाव विहरइ. इमं च णं केवलकपं जंबुद्दीवं दीवं विउलेणं ओहिणा आभोएमाणी २ पासइ, तत्थ समणं भगवं महावीरं जंबुद्दीवे दीवे भारहे वासे रायगिहे नगरे गुणसिलए चेइए अहापडिरूवं उग्गहं उगिण्हित्ता संजमेणं तवसा अप्पाणं भावेमाणे पासइ २ ता, हट्टतुट्ठचित्तमाणंदिया पीयमणा जाव हयहियया सीहासणाओ अब्भुढेइ २ त्ता पायपीढाओ पच्चोरुहइ २ त्ता पाउयाओ ओमुयइ २ त्ता तित्थगराभिमुही सत्तट्ठपयाइं अणुगच्छइ २ त्ता वामं जाणुं अंचेइ दाहिणं जाणुं धरणितलंसि निहट्ट तिक्खुत्तो मुद्धाणं धरणितलंसि णिवेसेइ २ त्ता इसिं पच्चुण्णमइ २ त्ता कडयतुडियथंभियाओ भुयाओ साहरइ २ त्ता करयल जाव कटु एवं वयासी-नमोत्थु णं अरहंताणं जाव संपत्ताणं णमोत्थु णं समणस्स भगवओ महावीरस्स जाव संपाविउकामस्स, वंदामि णं भगवंतं तत्थ गयं इह गया पासउ मे समणे भगवं महावीरे तत्थ गए इह गयं तिकटु वंदइ० २ सीहासणवरंसि पुरत्थाभिमुहा णिसण्णा, तए णं तीसे कालीए देवीए
