________________
२६७
गच्छाचारपइण्णय पव्वयाहिं, भुंजाहि ताव देवाणुप्पिए ! मए सद्धिं विउलाई भोगभोगाई, ततो पच्छा भुत्तभोई सुव्वयाणं अज्जाणं अंतियं मुंडा जाव पव्वयाहि, तएणं सा सोमा माहणी रट्ठक्कूडस्स एयमढें पडिसुणेति, तए णं सा सोमा माहणी ण्हाया जाव सरीरा चेडिया चक्कवालपरिकिण्णा साओ गिहाओ निक्खमति २ वेभेलं संनिवेसं मज्झंमज्झेणं जेणेव सुब्बयाणं अज्जाणं उवस्सए तेणेव उवागच्छइ २ सुव्वयाओ अज्जाओ वंदति, नमंसइ, पज्जुवासइ २ | तएणं ताओ सुव्वयाओ अज्जाओ सोमाए माहणीए विचित्तं केवलिपण्णत्तं धम्मं कहेंति जहा जीवा सिझंति । तए णं सा सोमा माहणी सुव्वयाणं अंतियं जाव दुवालसविहं सावगधम्म पडिवज्जइ २ सुव्वयाओ अज्जाओ वंदइ नमसइ २ जामेव दिसिं पाउड्भूया जाव पडिगया । तए णं सा सोमा माहणी समणोवासिया जाया, अभिगय० जावअप्पाणं भावेमाणी विहरति । तए णं ताओ सुव्वयाओ अज्जाओ अन्नया कयाइ वेभेलाओ संनिवेसाओ पडिनिक्खमंति, बहिया जणवयविहारं विहरंति । तए णं ताओ सुव्वयाओ अज्जाओ अन्नया कयाइ पुव्वाणु० जाव विहरंति । तएणं सा सोमा माहणी इमीसे कहाए लट्ठा समाणी हट्ठा ण्हाया तहेव निग्गया, जाव वंदइ नमसइ २ धम्मं सोच्चा जाव नवरं रट्टकूडं आपुच्छामि तए णं पव्वयामि अहासुहं । तए णं सा सोमा माहणी सुव्बयाणं अज्जाणं वंदइ नमसइ २ सुव्बयाणं० पडिनिक्खमइ जेणेव सए गिहे जेणेव रट्ठकूडे तेणेव उवागच्छइ २ करयलपरिग्गहियं तहेव आपुच्छइ जाव पव्वइत्तए जाव अणुमण्णित्था । तए णं रहकूडे विउलं असणं ४ तहेव जाव पुव्वभवे सुभद्दा जाव अज्जा जाया, इरिया समिया जाव गुत्तबंभयारिणी । तए णं सा सोमा अज्जा सुव्वयाणं अज्जाणं अंतियं सामाइयमाइयाइं एक्कारस अंगाइं अहिज्जइ २ बहूहिं छट्टट्ठम जाव भावेमाणी बहूहिं कासाइं सामन्नपरियागं पाउणेति २ मासियाए संलेहणाए सढि भत्ताइं अणस २ आलोइय पडिक्कंता समाहिपत्ता कालमासे
