________________
गच्छाचारपइण्णयं रट्ठकूडेण सद्धिं विऊलाइं जाव विहरित्तए । तेणं कालेणं तेणं समएणं सुव्वयाओ नाम अज्जाओ इरिया० जाव बहुपरिवाराओ पुव्वाणुपुब्बिं जेणेव वेभेले सन्निवेसे अहापडिरूवं ऊग्गहं जाव विहरंति । तए णं तासिं सुव्बयाणं अज्जाणं एगे संघाडए वेभेले सन्निवेसे उच्चनीयजावअडमाणे रट्ठकूडस्स गिहं अणुपविढे । तए णं सा सोमा माहणी ताओ अज्जाओ एज्जाओ एज्जमाणीओ पासति २ हट्ठा० खिप्पामेव आसणाओ अब्भुढेइ २ त्ता, सत्तकृपयाइं अणुगच्छति वंदइ २ नमसइ विऊलेणं असण ४ पडिलाभित्ता, एवं वयासी-एवं खलु देवाणुप्पिया ! अहं अज्जाओ ! रट्टकूडेण सद्धिं विऊलाइं जाव संवच्छरे २ जुगलं पयामि, सोलसहिं संवच्छरेहिं बत्तीसं दारगरूवे पयाया । तए णं अहं तेहिं बहूहिं दारएहिं जाव डिंभयाहि य अप्पेगतिएहिं ऊत्ताणसिज्जएहिं जावमुत्तमाणेहिं दुज्जातेहिं जाव नो संचाएमि विहरित्तए, तं इच्छामि णं अज्जाओ ! तुम्हं अंतिए धम्मं निसामित्तए । तए णं ताओ अज्जाओ सोमाए माहणीए विचित्तं जाव केवलि० परिकहेति तए णं सा सोमा माहणी तासिं अज्जाणं अंतिए धम्मं सोच्चा निसम्म हट्ठ० जाव हियया ताओ अज्जाओ वंदइ नमसइ २ एवं वयासी-सद्दहामि णं अज्जाओ निग्गंथं पावयणं जाव अब्भुटेमि णं अज्जाओ निग्गंथं पावयणं, एवमेयं अज्जाओ जाव से जहेयं तुब्भे वदह, नवरं अज्जाओ रट्टकूडं आपुच्छामि, तए णं अहं देवाणुप्पियाणं अंतिअं मुंडा जाव पव्वयामि, अहासुहं देवाणुप्पिए ! मा पडिबंधं । तएणं सा सोमा माहणी ताओ अज्जाओ वंदइ नमसइ २ पडिविसज्जति । तए णं सा सोभामाहणी जेणेव रट्ठकूडे तेणेव ऊवागच्छइ २ करयल० एवं वयासी-एवं खलु मए देवाणुप्पिया ! अज्जाणं अंतिए धम्मे निसंते सेवि अ णं धम्मे इच्छिए जाव अभिरुइए तए णं अहं देवाणुप्पिया ! तुब्भेहिं अब्भणुण्णाया सुव्वयाणं जाव पव्वइत्तए । तए णं से रट्ठकूडे सोमं माहणिं एवं वयासी मा णं तुमं देवाणुप्पिए ! इयाणि मुंडा भवित्ता, जाव .
