________________
२६५
गच्छाचारपइण्णय इव सुसंगोपिता, चेलपेला इव सुसपरिहिया, रयणकरंडगओ विव सुसंरक्खिया, सुसंगोविता, माणं सीयं जाव विविहा रोआतंका फुसंतु | तए णं सा सोमा माहणी रहकूडेणं सद्धिं विऊलाइं भोगभोगाइं भुंजमाणी संवच्छरे २ जुयलगं पयायमाणी सोलसहिं संवच्छरेहिं बत्तीसं चेडगरूवे पयाया । तए णं सा सोमामाहणी तेहिं बहूहिं दारगेहि य दारियाहि य, कुमारएहि य कुमारियाहि य, डिभिएहिं डिभियाहि य, अप्पेगईएहिं ऊत्ताणसेज्जाएहिं अप्पेगइएहि य थणियपाएहिं अप्पे० पीहगपाएहिं अप्पेगइएहिं परंगणएहिं अप्पेगइएहिं परक्कममाणेहिं अप्पे० पक्खोलणएहिं अप्पेगइएहिं थणं मग्गमाणेहिं अप्पेगइएहिं खीरं मग्गमाणेहिं अप्पेगइएहिं खिल्लणयं मग्गमाणेहिं अप्पेगइएहिं खज्जगं मग्गमाणेहिं अप्पे० करं मग्गमाणेहिं पाणियं मग्गमाणेहिं हसमाणेहिं रूसमाणेहिं अक्कोसमाणेहिं अक्कुस्समाणेहिं हणमाणेहिं हम्ममाणेहिं विपलायमाणेहिं अणुगम्ममाणेहिं रोवमाणेहिं कंदमाणेहिं विलवमाणेहिं कूवमाणेहिं उक्कूवमाणेहिं निज्जायमाणेहिं निद्दायमाणेहिं पलवमाणेहिं दहमाणेहिं वममाणेहिं छेरमाणेहिं मत्तमाणेहिं मुत्तपुरीसवमियसुलित्तोवलित्ता मइलवसणपुव्वड जाव असुइबीभच्छा परमदुग्गंधा नो संचाएइ रट्टकूडेण सद्धिं विऊलाई भोगभोगाई भुंजमाणी विहरित्तए । तए णं तीसे सोमाए माहणीए अण्णया कयाइं पुव्वरत्तावरत्त० कुटुंबजागरियं० अयमेयारूवे० समुप्पजित्था, एवं खलु अहं इमेहिं बहूहिं दारगेहि य जाव डिभियाहिं अप्पेगइएहिं ऊत्ताणसिज्जएहिं जाव अप्पेगइएहिं मुत्तमाणेहिं, दुज्जाएहिं दुज्जंमएहिं हयविप्पहयभग्गेहि एगप्पहारपडिएहिं जेणं मुत्तपुरीसवमियसुलित्तोवलित्ता जाव परमदुभिगंधा नो संचाएमि रट्ठकूडेण सद्धिं जाव भुंजमाणी विहरित्तए, तं धन्नाओ णं ताओ अम्मयाओ जावज्जीवियफले जाओ णं वंझाओ अवियारीओ जाणुकोप्परमायाओ सुरभिसुगंधगंधियाओ विउलाई माणुस्सगाई भोगभोगाई भुंजमाणीओ विहरंति, अहणं अधण्णा अपुण्णा अकयपुण्णा नो संचाएमि
