________________
गच्छाचारपइण्णयं
२४४ उज्जेणी, बहुजणक्खए वट्टमाणे उद्दायणेण पज्जोओ भणिओ, तुज्झं मज्झ य विरोहो, अम्हे चेव दुअग्गा जुज्झामो, किं सेसजणवएणं माराविएणंति, अब्भुवगयं पज्जोएण, दुअग्गाणवि दूयसंचारेण संलावो, कहं जुज्झामो ? किं रहेहिं गएहिं अस्सेहिंति ? उद्दायणेण लवियंजारिसो तुज्झ णलगिरी हत्थी एरिसो मज्झे णत्थि, तहावि तुज्झ जेण अभिप्पेयं तेण जुज्झामो, पज्जोएण भणियं-गएहिं असमाणं जुज्झति कल्लं रहेहिं जुज्झामोत्ति, दुवग्गाणवि अवट्ठिय बितियदिणे उद्दायणो रहेण उवट्ठिओ, पज्जोओ णलगिरिणा हत्थिरयणेण, सेसखंधावारो सणद्धपरिवारो, पेच्छगो उदासीणो चिट्ठति, उद्दायणेण भणियं-एस भट्ठपडिण्णो हओ, मया सपलग्गं जुद्धं, आगओ हत्थी उदायणेण चक्कब्ममे छूढो, चउसुवि पायतलेसु विद्धो, सरेहिं पूरिओ पडिओ हत्थी, एवं उद्दायणेण रण्णे जिणित्ता गहिओ पज्जोओ, भग्गं परबलं, गहिया उज्जेणी, णट्ठा सुवण्णगुलिया, पडिमा पुण देवयाहिट्ठिया संचालिउं ण सक्किया, पज्जोओ य ललाडे सुणहपाएण अंकिओ, इम च से णामयं ललाटे चेव अंकियं, 'दासो दासीवतिओ, छेत्तट्ठी जो धरेइ वत्थव्वो । आणं कोवेमाणो, हंतव्वो बंधियव्वो य ।।१।।' कंठा नवर 'छेत्तट्ठी' क्षेत्रार्थी क्षेत्रस्थिति हालिकादिः 'कोवेमाणो' भंजन उद्दायणो से साहणेण पडिणियत्तो, पज्जोओवि बद्धो खंधावारे णिज्जात, उद्दायणो आगओ जाव दसपुरुद्देसे, तत्थ वरिसाकालो जातो, दसवि मउडबद्धरायाणो अप्पप्पणो णिवेसेण ठिया, उद्दायणस्स य उवजेमणाए भुंजति पज्जोओ, अण्णया पज्जोसवणकाले पत्ते उद्दायणो उववासी तेण सूओ विसज्जिओ, पज्जोयं अज्ज पुच्छसु किं ते उवसाहिज्जउत्ति ? गओ सूओ, पुच्छिओ पज्जोओ, आसंकियं पज्जोतस्स, ण कयाति अहं पुच्छिओ ! अज्ज पुच्छा कओ, णूणं अहं विससंमिस्सेण भत्तेण अज्ज मारिज्जिउकामो, अहवा किं मे संदेहेणं एयं चेव पुच्छामि, पज्जोएण पुच्छिओ सूओ, अज्ज मे किं पुच्छिज्जति ? किं
