________________
२३५
गच्छाचारपइण्णयं वरिसे दुरूवगगामेल्लएहिं मल्लजुद्धमहे वट्टमाणे भाणगो भणिओ-घोसेहिं भो जस्स अम्हेहिं अवरद्धं तं खामेमो जं च गहियं तं देमो मा अम्ह सस्से दहेउ, तओ भाणएण उग्घोसियं, ततो कुंभकारेण भाणगो भणिओ, भो ! इमं घोसेहिं । अप्पिणह तं बइल्लं, दुरूवगा तस्स कुंभकारस्स । मा भेदि हिही गाम, अन्नाणवि सत्त वासाणि ||१|| भाणगेण उग्घोसितं तं तेहिं दुरूवगव्वेहिं सो कुंभकारो खामिओ दिण्णो य से बइल्लो, इमो उवसंहारो, जइ ता तेहिं असंजएहिं अण्णाणीहिं होंतेहिं खामियं तेणवि खमियं किमंग पुण संजएहिं नाणीहिं जं कयं तं सव् खमियव्वं खमावेयव्वं च १ | तथा एगो दमगो, तस्स चेडख्वाणि इस्सरगिहेसु सरयकाले पायस दटुं पियरं ओभासंति, अम्हवि पायसं देहित्ति भणिते तेण गामे दुद्धतंदुले ओहारिऊण समप्पियं भारियाए पायसमुवसाहेहित्ति, सो अ पच्चंतगामो तत्थ चोरसेणा पडिया ते य गामं विलुलिउमाढत्ता, तस्स दमगस्स सो य पायसो सह थालीए हडो तं वेलं सो दमगो छेत्तं गतो, सो य छेत्ताओ तणं लुणिऊण आगओ, तं चिंतेति अज्ज चेडरूवेहिं समं पायसं भोक्खेमित्ति, घरंगणपत्तस्स चेडरूवेहिं रुयंतेहिं कहियं तात ! बप्पेत्ति भणंतेहिं सो य पायसो हडो, सो तणपूलियं छड्डेऊण गओ कोहाभिभूओ पेच्छति सेणाहिवस्स पुरओ पायसथालियं ठवियं, ते य चोरा पुण गामं पविट्ठा एगागी सेणाहिवो चिट्ठइ, तेण य दमगेण असिएणं सीसं छिन्नं सेणाहिवस्स नट्ठो दमगो, ते य चोरा हयणायगा णट्ठा तेहि य गएहिं मयकिच्चं काउं तस्स डहरतरओ भाया सो सेणाहिवो अभिसित्तो, तस्स मायभगिणीभाउज्जाइयाओ अ खिसंति तुमं भाओ वेरिए जीवंते अच्छसि सेणाहिवत्तं काउं धिरत्थु ते जीवियस्स, सो अमरिसेण गओ गहिओ दमगो जीवगेज्झो आणिओ निगलवेढिओ सयणमज्झगओ आसणट्ठिओ सत्थं गहाय भणइ-रे रे भातिवेरिया ? कत्थ ते आहणामित्ति, दमगेण भणियं जत्थ सरणागया पहरिज्जंति तत्थ पहराहित्ति, एवं
