________________
१७
गच्छाचारपइण्णयं 'आगम १ सुअववहारी २, आगमओ छव्विहो अ ववहारी । केवल १ मणो २ हि ३ चोद्दस ४-दस ५ नव ६ पुव्वी य णायव्वा ।।१।।' आगमववहारी १ सुयववहारी य २, तत्थ जो सो आगमववहारी सो छब्बिहो इमो-केवलणाणी १ मणपज्जवणाणी २ ओहिणाणी ३ चोद्दसपुची ४ अभिण्णदसपुव्वी ५ णवपुव्वी य ६ एए आगमववहारी पच्चक्खणाणिणो जेण जहा अइयारो कओ तं तहा अतियारं जाणंति । तं च आगमववहारिस्स आलोएज्जमाणो जदि आलोयगो पडिकुंचति ।। 'पम्हढे पडिसारणा, अपडिवज्जंतगं ण खलु सारे । जति पडिवज्जति सारे, दुविहइयारंपि पच्चक्खो ।।२।।' 'पम्हुट्टे' त्ति विस्सरिए तं पच्चक्खणाणी णाउं पडिवज्जिस्सइ त्ति ताहे भणति अमुगं ते विस्सरियं तं आलोएहि, अह जाणइ न पडिवज्जति तो ण पडिसारेइ, दुविहो अइयारो-मूलगुणाइयारो उत्तरगुणाइआरो य, एवं पच्चक्खाणाणी सम्मं आउट्टस्स देंति पच्छितं, अणाउट्टस्स ण देंति, एते पच्चक्खववहारी वुत्ता ।।२।। सेसा जे ते इमे सुयववहारी । 'कप्पपकप्पा उ सुए, आलोयाति ते उ तिक्खुत्तो । सरिसत्थे अपलिउंची विसरिसपलिउंचिअं जाणे ।।३।।' 'कप्पो त्ति दसाकप्पववहारा, ‘पकप्पो' त्ति णिसीहं, तुशब्दान्महाकप्पसुयं महाणिसीहणिसीहणिज्जुत्ती पेढियधरा य एवमादि सव्वे सुयववहारिणो ते य सुयववहारी २ एगवारालोइए पलिउंचिए अपलिउंचिए वा विसेसं ण जाणंति तेण कारणेण 'तिक्खुत्तो' त्ति णियमा तिण्णिवारे आलोयाति । एकवारा भणति ण सुट्ठ मए अवधारियं, बितियवाराए निद्दावसंगओ, ततियवाराए भणति अणुवउत्तेण किंचि णावधारियं, पुणो आलोएहि । जति तिहिं वाराहिं सरिसं चेव आलोतियं तो णायव्वं अपलिउंची, अह विसरिसं बुल्लवंतो य आलोएति, तो पलिउंचियं जाणियवं । तत्थ जो पलिउंची सो इमेण आसदिटुंतेण चोएयव्वो, दव्वाइचउब्विहपडिसेवणाए पलिउंची आगमसुअववहारिहिं भाणियव्वो, सुणेहि अज्जो ! उदाहरणं
