________________
२३१
गच्छाचारपइण्णयं आलो अंगीकओ, ताए सा अहमालो त्ति भणिया दारमुग्घाडिउं पिउघरं गया, सव्वालंकारविभूसिया अंतरा चोरेहिं गहिया, तीसे सव्वालंकारे घेत्तुं सेणावतिस्स उवणीया, तेण सा भणिया मम महिला होहित्ति, सो तं बला ण भुंजति सावि तं णेच्छति, ताहे तेणवि सा जलूगवेज्जस्स हत्थे विक्कीया, तेण वि सा भणिया मम भज्जा भवाहित्ति, तंपि अणिच्छंती तेणावि रूसिएण भणिया पाणीयातो जलूगा गेण्हहित्ति, सा अप्पाणं णवणीएण मक्खिउं जलमवगाहति, एवं जलूगाओ गिण्हति, सा तं अणणुरूवं कम्मं करेति ण य सीलभंगं इच्छति, सा तेण रुहिरसावण विरूवलावण्णा जाया, इतो य तस्स भाया दूयकिच्चेण तत्थागओ, तेण सा अणुसरिसत्ति काउं पुच्छिया तीए कहियं, तेण दव्वेण मोयाविआ आणिया य, वमणविरेयणेहिं पुण णवसरीरा जाया, अमच्चेण पच्छा णियघरमाणिया सव्वसामिणी ठविया, ताहे कोहपुरस्सरस्स माणस्स दोसं दटुं अभिग्गहो गहिओ, ण मए कोहो माणो वा कायव्वो, तस्स घरे सयसहस्सपागं तेल्लमत्थि, तं च साहुणो वणसरोहणत्थं ओसहं मग्गियं तीए दासचेडी आणत्ता आणेहित्ति, तीए आणंतीए सह तेल्लेण एगं भायणं भिन्नं एवं तिण्णि भायणाणि भिण्णाणि ण य सा रुठ्ठा, तिसु सयसहस्सेसु विणढेसु चउत्थवाराए अप्पणा उठेऊण दिण्णं, जइ तीए कोहपुरस्सरो मेरुसरिसो माणो निज्जिओ तो साहुणा सुदुतरं णिहंतव्वोत्ति २ । मायाफले पाण्डुरार्यो उदाहरणम् । यथा-एगा पासत्था सरीरोवगरणबउसा निच्चं सुक्किलवासं परिहित्ता चिट्ठइत्ति, लोगेण से णामं कयं पंडुरज्जत्ति, सा य विद्यामंतवसीकरणुच्चाडणकोउएसु य कुसला जणेसु पउंजति, जणो अ से पणयसिरो कयंजलिओ चिट्ठति, अह वयातिक्कंता वेरग्गमुवगया गुरुं विन्नवेइ आलोयणं पयच्छामित्ति, आलोइए पुणो विण्णवेति ण दीहं कालं अहं पवज्जं काउं समत्था, ताहे गुरुहिं अप्पं कालं परिक्कमावेत्ता विज्जामंतादियं सव्वं छड्डावेत्ता अणसणगं
