________________
गच्छाचारपइण्णयं
___२२२ पडिमा एगं महं पलसहस्सनिप्फण्णं अयोमयं मोग्गरं गहाय चिट्ठति । तए णं से अज्जुणमालागारे बालपभिई चेव मोग्गरपाणिजक्खभत्ते यावि होत्था, कल्लाकल्लिं पच्छियपिडयाइं गेण्हतिररायगिहाओ णगराओ पडिनिक्खमति २ जेणेव पुप्फारामे तेणेव उवागच्छइरपुप्फुच्चयं करेति अग्गाइं वराइं पुष्फाइं गहाय जेणेव मोग्गरपाणिस्स जक्खस्स जक्खाययणे तेणेव उवागच्छइ २ मोग्गरपाणिस्स जक्खस्स महरिहं पुप्फच्चणं करेइ २ जण्णुपायपडिए पणामं करेइ २ तओ पच्छा रायमग्गंसि वित्तिं कप्पेमाणे विहरति, तत्थ ण रायगिहे णगरे ललिया नामं गोट्ठी परिवसइ, अड्डा जाव अपरिभूया, जं कयसुकया यावि होत्था, तत्थ णं रायगिहे नगरे अण्णया कयाइ पमोदे घुढे यावि होत्था । तए णं से अज्जुणए मालागारे कल्लं पभूयतराएहिं पुप्फेहिं कज्जमितिक? पच्चूसकालसमयंसि बंधुमईए भारियाए सद्धिं पच्छियपिडयाइं गेण्हति २ सयाओ गिहाओ पडिनिक्खमति २ रायगिहं नगरं मज्झंमज्झेणं निगच्छइ २ त्ता जेणेवं पुप्फारामे तेणेव उवागच्छइ २ बंधुमइए भारियाए सद्धिं पुप्फुच्चयं करेइ । तए णं तीसे ललियाए गोठ्ठीए छ गोहिल्ला पुरिसा जेणेव मोग्गरपाणिस्स जक्खस्स जक्खाययणे तेणेव उवागता अभिरममाणा चिट्ठति । तए णं से अज्जुणए मालागारे बंधुमइए भारियाए सद्धिं पुप्फुच्चयं करेइ २ पच्छियाइं भरेइ २ अग्गाइं वराइं पुप्फाइं गहाय जेणेव मोग्गरपाणिस्स जक्खस्स जक्खाययणे तेणेव उवागच्छइ । तते णं छ गोहिल्ला पुरिसा अज्जुणयं मालागारं बंधुमतीए भारियाए सद्धिं एज्जमाणं पासंति २ त्ता अण्णमणं एवं वयासीएस णं देवाणुप्पिया ! अज्जुणए मालागारे बंधुमईए भारियाए सद्धिं इहं हव्वमागच्छति, तं सेयं खलु देवाणु० अम्हं अज्जुणयं मालागारं अवओडयबंधणयं करित्ता बंधुमईए भारियाए सद्धिं विउलाई भोगभोगाई भुंजमाणाणं विहरित्तएत्तिकंटु एयमटुं अण्णमण्णस्स पडिसुणेति २ कवाडंतरेसु निलुक्कंति, निच्चला निष्फंदा तुसिणीया पच्छण्णा चिट्ठति।
