________________
२१८
गच्छाचारपइण्णयं
कप्पइ समणोवासगस्स अपच्छिम जाव भत्तपाणपडियाइक्खियस्स परो संतेहिं जाव वागरित्ताए तुमे य णं देवाणुप्पिया ! रेवई गाहावइणि संतेहिं ४ अणिट्ठेहिं ५ वागरणेहिं वागरिया तेणं तुमं एयस्स ठाणस्स आलोएहि जाव जहारिहं च पायच्छित्तं पडिवज्जाहि । तए णं से भगवं गोयमे समणस्स भगवओ महावीरस्स तहत्ति एयमद्वं विणएणं पडिसुणेइ २ ता तओ पडिनिक्खमइ २ त्ता रायगिहं नगरं मज्झं मज्झेणं अणुप्पविसइ २ त्ता जेणेव महासयगस्स समणोवासगस्स गिहे जेणेव पोसहसालाए महासयगे समणोवासए तेणेव उवागच्छइ । तए णं से महासयए समणे भगवं गोयमं एज्जमाणं पासइ २ त्ता हट्टतुट्ठ जाव हियए भगवं गोयमं वंदइ नमंसइ । तए णं से भगव गोयमे महासययं समणोवासयं एवं वयासीएवं खलु देवाणुप्पिया ! समणे भगवं महावीरे एवमाइक्खइ भासइ पण्णवेइ परूवेइ नो खलु कप्पइ देवाणुप्पिया ! समणोवासगस्स अपच्छिम जाव वागरित्तए, तुमे य णं देवाणुप्पिया ! रेवई गाहावइणि संतेहिं जाव वागरिया तण्णं तुमं देवाणुप्पिया ! एयस्स ठाणस्स आलोएहि जाव पडिवज्जाहि ! तए णं से महासयए समणोवासए भगवतो गोयमस्स तहत्ति एयमट्टं विणएणं पडिसुणेइ २ त्ता तस्स ठाणस्स आलोएइ जाव अहारिहं च पायच्छित्तं पडिवज्जइ । तए णं से भगवं गोयमे महासयगस्स समणोवासगस्स अंतियाओ पडिनिक्खमइ २ त्ता रायगिहं नगरं मज्झंमज्झेणं निग्गच्छइ २ त्ता जेणेव समणे भगवं महावीरे तेणेव उवा० २ त्ता समणं भगवं महावीरं वंदइ नमसइ २ त्ता संजमेणं तवसा अप्पाणं भावेमाणे विहरइ । तए णं समणे भगवं महावीरे अण्णया कयाइ रायगिहाओ नगरीओ पडिनिक्खमइ २ त्ता बहिया जणवयविहारं विहरइ । तए णं से महासयए समणोवासए बहूहिं सीलजाव भावेत्ता वीसं वासाइं समणोवासगपरियायं पाउणित्ता एक्कारस समणोवासगपडिमाओ सम्मं काएण फासित्ता मासियाए संलेहणाए अप्पाणं झूसित्ता सट्टिं भत्ताइं
