________________
२०३
गच्छाचारपइण्णयं छिंदिउमारद्धो, ताणि य सिराणि कलेवराणि एगंते एडेति, सेसा ओसरिया, पुणरवि पासुत्तो, सुमिणमालोयणं, पभाए साहुसंहारेण णायं, दिण्णं, से लिंगपारंचियं ३ । तथा एगो साहू गोयरणिग्गओ हत्थिणा पक्खित्तो, कहवि पलाओ, रुसिओ चेव पासुत्तो, उदिण्णा थीणिद्धी, उडिओ गओ, पुरकवाडे भेत्तूण गओ, वावातिओ, दंतमुसले घेत्तूण समागओ, उवस्सयस्स बाहिं ठवेइ, पुणरवि सुत्तो, पभाए उठ्ठिओ संझोवासणे सुविणं आलोएति, साहूणं दिसावलोयणं, गयदंतदरिसणं, णायं, तहेव विसज्जिओ ४ । तथा एगो साहू भिक्खायरियं गओ तत्थ पंथे वडसालरुक्खो तस्स साला पहं णिण्णेणं घेत्तुं गया सो य साधू उण्हाभिहयगाओ भरियभायणो तिसियभुक्खिओ इरिउवउत्तो वेगेण आगच्छमाणो तीए सालक्खंधीए सिरेण फिडिओ सुट्ठपरिताविओ रुसिओ जाव पासुत्तो थीणिद्धी उदिण्णा उट्ठिओ राओ गंतूण तं सालं गहेऊण आगओ उवस्सयदुवारे ठविया ता वियडेण णायं थीणिद्धी लिंगपारंची कओ । केइ आयरिया भणंति सो पुव्वभवे वणहत्थी आसो, तओ मणुयभवमागयस्स पव्वइअस्स थीणिद्धी जाया, पुव्वब्भासा गंतूण वडसालभंजणाणयणं सेसं तहेव ५ । वासुदेवस्स जं बलं तब्बलाओ अद्धबलं थीणिद्धिणो भवति-तं च पढमसंघयणिणो न इदाणिं, इदाणिं पुण सामन्नबला दुगुणं तिगुणं चउगुणं वा भवई, सो अ एवं बलजुत्तो मा गच्छं रुसिओ विणासेज्ज तम्हा सो लिंगपारंची कायव्वोत्ति। अथ निशीथचूय॒कादंशोद्देशकगतकषायदुष्टोदाहरणानि -
एगेण साहुणा सासवणालुस्सेल्लयं सुसक्कतं लद्धं, तत्थ से अतीव गेही, तेण य तं गुरुणो उवणीयं, तं च गुरुणा सव्वं भुत्तं, इयरस्स कोवो जाओ झंटयं च गुरुणा सो खामितो, तहावि णोवसंतो भणति य भंजामि ते दंते, गुरुणावि चिंतियं मा एस मे असमाहिमरणेण मारिस्सइ त्ति गणे अन्नं आयरियं ठवित्ता अण्णं गणं गंतुं अणसणं पडिवण्णं, पुच्छति कहिं गओ गुरू न कहेंति साहवो, अन्नत्थ सोच्चा गओ जत्थ गुरवो, तेहिं
