________________
१९१
गच्छाचारपइण्णयं तप्पभिइं च णं लोओ तमुवहसइ । सो वि नियतणयमरणेण नाणासच्चत्तणेणं लोयापवाएण य संजायसंसारनिव्वेओ सव्वहा विगयसम्मत्तो संगहियमिच्छत्तो परिव्वायगपव्वज्जं पडिवज्जिय मुणिजणे पउसमावहतो अन्नाणकट्ठतवाइं सुइरमायरिय अणुद्धियपावसल्लो मरिऊण अप्पड्डिओ वंतरो जाओ । अह सो वाणमंतरो विभंगनाणेणं नियपुव्वभवमाभोइत्ता मिच्छत्तोदयवसेण जिणसासणे परमवेरं वहतो चिंतेइ, कयाणं अहं पुव्वभववेरसायरं पवणनंदणु व्व उल्लंघिय सुहिओ हविस्सं । तओ देवकिच्चमकाऊण जिणभत्तिरत्ताणं साहुसावयाईणं उवसग्गं काउकामो तच्छिद्दाणि गवेसेइ । तओ सया अप्पमत्ताणं सावज्जजोगविरयाणं साहुसाहुणीणं अंधु व्व न किंपि पिच्छइ दूसणं, तेसिं च केसमवि मुसमूरिउमसमत्थो हत्थेण हत्थं मलंतो दंतेहिं उढे खंडंतो मुट्ठीए हिययं ताडयंतो भित्तीए सीसं फोडतो विहत्थो होत्था । तत्तो तप्पुष्टुिं छंडिऊण किरियाकलावसिढिलाणं समणोवासयाईणं छिडु लहिऊण स दुट्ठवाणमंतरो विविहे उवसग्गे कुणइ । तओ सावगा सुयसायरसुवियारा बुद्धिविआरेण तं वंतरकयमुवसग्गं जाणिय परुप्परं मंतयंति, जहा सिंहं विणा महाकरी न वियारिज्जइ, जहा भाणुं विणा तिमिरपडलं न फेडिज्जइ, जहा पवहणं विणा सायरो न लंघिज्जइ, जहा ओसहं विणा वाही न छिंदिज्जइ, तहा गुरूहि विणा एस उवद्दवो न विद्दविज्जइ त्ति । तओ एयस्स अत्थस्स संसूयगा तेसिं सिरिभद्दबाहुसूरीणं पासे पेसिया विन्नत्तिया । तेहिं पि नाणबलेण वराहमिहिरवंतरस्स दुट्ठचिट्ठियं नाऊणं सिरिपाससामिणो उवसग्गहरथवणं काऊण संघकए पेसियं । सव्वेहिं वि तं पढियं, तओ तप्पभावेण वायपिल्लियवद्दलु ब्व विदुओ तक्कओ उवद्दवो । कप्पवल्लि व्व मणवंछियत्थजणणी जाया संती । अओ अज्जवि तं थवणं सप्पभावं पढिज्जमाणं सव्वसमीहियत्थं संपाडेइ । अह जुगप्पहाणागमो सिरिभद्दबाहुसामी आयारंग १ सुयगडंग २ आवस्सय ३ दसवेयालिय ४ उत्तरज्झयण ५ दसा ६ कप्प ७ ववहार ८ सूरियपन्नती
