________________
१८९
गच्छाचारपइण्णयं पइट्ठाणपुरबाहिरुज्जाणे समोसरिओ । तत्थागयं सूरीसरमायन्निऊण राया पोरपरियरिओ वंदिउं गओ । रायाणुवित्तीए वराहमिहिरो वि । तम्मि समए रायादिसमक्खं एगेण पुरिसेण वराहमिहिरो वद्धाविओ, देव ! संपयं चेव तुम्हघरे पुत्तो उप्पन्नो । तं मुणिय राया हरिसिओ वद्धावियनरस्स पारिओसियं दाणं दाऊण पुरोहियं वाहरेइ-साहेसु तुमं एस तुज्झ पुत्तो केरिसविज्जो ? कियप्पमाणाऊ ? अम्हं च पूअणिज्जो होही न व त्ति ? संपइ सव्वन्नुपुत्तो समसत्तुमित्तो सिरिभद्दबाहू सूरी तहा जोइसचक्कनिरिक्खणवियक्खणो तुमं च अओ दुवे वि नाणिचूडामणिणो वियारिऊण आइसह । तओ वराहमिहिरो सहावचवलमाहणजाइत्तणेण नियनाणुक्करिसं च जाणावयंतो वागरेइ महाराय ! मए एयस्स जम्मकाललग्गगहाइयं वियारियं । एस सिसू वरिससयपमाणाऊ तुम्हाणं तुहपुत्तपुत्ताणं च पूइओ अट्ठारस विज्जाठाणपारगामी भविस्सइ । एयम्मि समए जिणसमए निमित्तकहणं निसिद्धपि मुणिंतो नरिंदाइ लोयाओ जिणमयपभावणत्थं कडुओसहपाणं रोगच्छेयणकए कीरंतं सुटुमुवजायइ त्ति वियारिऊण गीयत्थसिरोमणी सिरिभद्दबाहू महामुणी तस्स दारगस्स सत्त दिगंते बिडालियाओ मरणमाइसइ । तं वयणमायन्निऊण कोवेण पज्जलिरो वराहमिहिरो नरवरं पइ जंपइ-देव ! जइ एयं एयाणं वयणमन्नहा होइ, ता तुब्भेहिमेयाणं पासंडीणं कोवि पयंडो दंडो कायव्यो । एवं वाहरिऊण रोसारुणनयणो वराहमिहिरो रायसहिओ नियघरं गओ । तओ तेण झडिति गंतूण स बालो मंदिरमंतरे गुत्तठाणे ठाविओ, चउद्दिसिं च घरबाहिं उब्भडसुहडा सत्थहत्था निवेसिया, धाई पुण भोयणाइसामग्गी सहिया अब्मंतरे चेव निबिडनिबिडं कवाडसंपुडं संघडिऊण जागरमाणी बालं रक्खइ । तस्सारिट्ठभवणस्स दुवारदेसे सयं वराहमिहिरो उवविसिय बिडालसंचारं रक्खेइ + संपत्ते सत्तमे दिणे तहेव तेसिं रक्खं कुणंताणं उक्किरियबिडाला महाथूला दुवारग्गला सहसा बालगोवरिं पडिया, तग्घाएण
