________________
१३५
गच्छाचारपइण्णयं दूसणं आयारपत्ताणं, आरामो कम्मरयस्स, फलिहो मुक्खमग्गस्स, भवणं दरिद्दस्स, अवि य इमाओ आसोविसो विव कुवियाओ, मत्तगओ विध मयणपरवसाओ, वग्घी विव दुट्ठहिययाओ, तणच्छन्नकूवो विव अप्पगासहिययाओ, मायाकारओ विव उवयारसयबंधणपउत्ताओ | आदरिसचिंवं पिव दुग्गिज्झसब्भावाओ, फुफुमा विव अंतोदहणसीलाओ, नगमग्गो विव अणवट्ठियचित्ताओ, अंतोदुट्ठवणो विव कुहियहिययाओ, किण्हसप्पो विव अविस्ससणिज्जाओ, संझब्मरागो विव मुहत्तरागाओ, समुद्दवीची विव चवलसभावाओ, मच्छो विव दुप्परिवत्तणसीलाओ, वानरो विव चवलचित्ताओ, मच्चू विव निविसेसाओ, कालो विव निरणुकंपाओ, वरुणो विव पासहत्थाओ, सलिलाओ विव निन्नगामिणीओ, किवणो विव उत्ताणहत्थाओ, नरओ विव उत्तासणिज्जाओ, खरो इव दुस्सीलाओ, दुट्ठस्सो विव दुद्दमाओ, बालो इव मुहुत्तहिययाओ, अंधयारमिव दुप्पवेसाओ, विसवल्ली विव अणल्लियणिज्जाओ, दुट्ठगाहा वावी इव अणवगाहाओ, ठाणभट्ठो विव इस्सरो अप्पसंसणिज्जाओ, किंपागफलमिव मुहमहुराओ, रित्तमुंडी विव बाललोभणिज्जाओ, मंसपेसीगहणमिव सोवद्दव्वाओ, जलियचुडिली विव अमुच्चमाणडहणसीलाओ, अरिट्ठमिव दुल्लंघणिज्जाओ, कूडकरिसावणो विव कालविसंवायणसीलाओ, चंडसीलो विव दुक्खरक्खियाओ, अइविसाओ, दुग्गंछियाओ, दुरुवचाराओ, अगंभीराओ, अविस्ससणिज्जाओ, अणवत्थियाओ, दुक्खरक्खियाओ, दुक्खपालियाओ, अरइकराओ, कक्कसाओ, दढवेराओ, रूवसोहग्गमउम्मत्ताओ, भुयगगइकुडिलहिययाओ, कंतारगइठाणभूयाओ, कुलसयणमित्तभयकारियाओ, परदोसपगासियाओ, कयग्घाओ, बलसोहियाओ, एगंतहरणकालाओ, चंचलाओ, जाइभंडोवगारो विव मुहरागविरागाओ, अवियाइंताओं, अरज्जुउपासो अ(इ)दारुयाअडवी, अणालस्स निलओ, अइतिक्खवेयरणी, अणिमिओ वाही, अविउगोविप्पलावो, अरूवउवसग्गो, रइमंतो चित्तविब्ममो, सव्वंगिओ दाहो, अणब्भपसूया
