________________
गच्छाचारपइण्णयं
____ १३२ कुणह पसायं, पवज्जं जेण गिण्हेमि–||८३|| तमयंडवज्जपायं, पिव सुणिय वयं निवो पयंपेइ । सुयणु मह पिम्मपउमं, मा उम्मूलेसु करिणि व्व ।।८४।। सत्तंगसंगयं पि हु, रज्जं अंतेउरं तहा नयरं । मह तुह विरहे ससिमुहि ! सुन्नं रन्नं व पडिहाइ ||८५।। अह चिट्ठसि न कहं पि हु, ता तं अंगीकयव्वया संती । गिण्हसु मह गिहि भिक्खं, जेणणुजाणामि दिक्खटुं ।।८६ ।। रन्नो तहत्ति पडिव-ज्जिऊण तं वयणममयपाणं व । दीणाइयाण दाणं, दाऊणं कप्पवल्लि व्व ।।८७।। सव्वत्थाभयदाणं, उग्घोसिय चेइएसु तह पूयं । काऊण दइयकारिय-निक्खमणमहुस्सवुक्करिसा ।।८८ || गंतूण अन्नियासुय-गणहरपासम्मि पुप्फचूला सा । पडिवज्जइ पव्वज्जं, बीयं पिव मुक्खरुक्खस्स ।।८९ ।। गहणासेवणसिक्खं, सम्मं सा सिक्खिउं महादक्खा | संजाया गुरुयाणं, संगो हि गुणावहो होइ ।।१०।। अह नाणेणं नाउं, बारससंवच्छराइ दुभिक्खं । अन्नियउत्तायरिओ, गच्छं पइ जंपए एवं ।।९१।। वच्छ ! गच्छह तुब्भे, दुभिक्खाओ सुभिक्खदेसेसु | जंघाबलपरिखीणा, चिट्ठिस्सामो इहेवम्हे ||९२ ।। पुहवितललुलियसीसा, सीसावि भणंति नेरिसं जुत्तं । तुम्ह पयपउममूलं, मुत्तुं अम्हाण पुण गमणं ।।९३।। तो नमिय पुप्फचूला, विन्नवइ गुरुं मुणिंद ! तुम्हाणं । पुन्नोदएण लद्धं, सुस्सूसमहं करिस्सामि ।।९४ ।। उस्सग्गववायविऊ, अणुचियमवि तीइ साहुणिइ गिरं । पडिवज्जिऊण गच्छं, सुभिक्खदेसंमि पट्ठवइ ।।९५ ।। अह पुप्फचूलअंतेउराउ गहिऊण सुद्धमाहारं । वियरेइ पुप्फचूला, गुरूण परमाइ भत्तीए ।।९६ ।। एवं सया गुरूणं, एगग्गमणेण सा परमभत्तिं । कुणमाणा सुहझाणा, पावइ वरकेवलं नाणं ।।९७।। सा जायकेवला वि हु, वेयावच्चं विसेसओ गुरुणो । आगमभणियं अत्यं, सच्चवयंती विणिम्मेइ ।।९८ ।।
जो जस्स य जारिसयं, पुदि भत्तिं कुणंतओ होइ.। सो तस्स तारिसं चिय, कुणेइ जा नज्जइ न नाणी ||९९।। नाणेण सा गुरूणं, सव्वाइँ
