________________
गच्छाचारपइण्णयं
___ १३० १५ ।।४९।। इय नेरइयसरूवं, सुदारुणं पासिऊण पडिबुद्धा । सुरहि व्व वग्घतट्ठा, सइ व्व परपुरिसकरभट्ठा ।।५० ।। हंसि व्व सेणनट्ठा, मूसि व्व विडालदंसणपलाणा । सा पुप्फचूलजाया, जाया भयवेविरसरीरा ||५१।। अप्पाणं नयरगयं व, पिक्खमाणा मणमि संबुद्धा । सव्वं सुविणसरूवं, सा साहइ निअयदइयस्स ||५२ || सो वि हु तीए दुसुविणउवसमणत्थं पभूयविहवेहिं । संतियनिउणजणेहिं, कारावइ संतियं कम्म ।।५३ ।। पुव्वं व पुप्फचूला, सुयापबोहाय पुप्फवइतियसो । वारं वारं नरए, दंसइ सा वि हु भणइ पइणो ।।५४ ।। ता सो गोसे नियपिययमाइसहिओ सहंगओ सव्वे । दंसणिणो आणाविय, नरयसरूवाइँ पुच्छेइ ।।५५ ।। ते वि हु भणंति नरवर, दारिदं रोगसोगसंतावा । परवसभावो गुत्तीइ, ठाणमिय नरयचिण्हाइं ।।५६ ।। सुमिणविसंवायाओ, तव्वयणमसच्चयं वियाणित्ता । मोडेऊणं वयणं, ते लहु देवी विसज्जेइ ||५७।। रन्ना अन्नियपुत्ता-परिओ हक्कारिऊण अहपुट्ठो । जट्ठियनरयसरूवं, तेसिं पुरओ परूवेइ ।।५८ ।। देवी भणेइ भयवं, ममं व तुम्हेहि सुविणमझंमि । किं नरयाण सरूवं, सयलंपि पलोइयं एयं ।।५९ ।। सूरीवि भणइ भद्दे ! सुविणेण विणावि जिणवरागमओ | जाणिज्जइ अम्हेहिं, लोयसरूवं असेसंपि ।।६०।। तो निवजाया पुच्छइ, भयवं विहिएण केण कम्मेण । जीवा पावंति इमाणि, नरयदुक्खाणि तिक्खाणि ||६१।। अन्नियपुत्तो साहइ, कुणिमाहारे सया पवत्ताणं । महरंभमहपरिग्गहपसत्तचित्ताण सत्ताणं ।।६२ ।। पंचिंदियघाईणं, गुरुपडिणीयाण रुद्दझाणीणं । नरए हवेइ पडणं, उल्लालियदंडनाएण ।।६३ ।। इय कहिऊणं अन्नियपुत्तायरिया गया नियं ठाणं । जणणी देवो वि तओ, तीसे दंसेइ सग्गाई ||६४ ।। तत्थ य तियसा मणिमय-विमाणमालानिवाससुहसहिया । अमरतरुनियरपूरिय-समीहियत्था अइपसत्था ||६५।। कुंडलतिरीडहारप्पमुहाहरणेहिं भूसियसरीरा । नियकंतकंतिपूरेहि, पूरियासेसदिसिविदिसा
